कारागृहात असतांना झाले आमदार

मंडळी आपण या देशामध्ये अनेक निवडणूका बघितल्या. अनेक राजकीय नेते निवडून येतांना किंवा पराभूत होतांनादेखील बघितले. जनतेच्या दारापर्यंत जाऊन जनतेला मतदान करण्याची विनवणी करणारे अनेक राजकीय नेते आपण बघितले आहेत.

मात्र असा एक नेता जो कारागृहामध्ये असतांना विधानसभा निवडणुकीमध्ये भरगोस मतांनी निवडून येतो. अस राजकीय क्षेत्राच्या इतिहासामध्ये कदाचित कधी घडलं असेल? होय. आपण बोलत आहोत परभणी जिल्ह्यातील गंगाखेड मतदारसंघातील राष्ट्रीय समाज पक्षाचे लोकप्रिय आमदार रत्नाकरजी गुट्टे यांच्याबद्दल.

संजय राऊत आणि उध्दव ठाकरेंना १०० कोटी द्यावे लागणारच – किरीट सोमय्या

रत्नाकर गुट्टे यांनी पहिल्यांदा २०१४ ला भाजप प्रेरित रा.स.प.कडून विधानसभा निवडणुक लढवली होती. नंतर त्यांनी शेतकऱ्यांच्या नावावर कर्ज घेतल्याचा आरोप त्यांच्यावर झाला आणि ऐन २०१९ मधल्या निवडणूकीच्या तोंडावर त्यांना पोलीस प्रशासनाकडून अटक करण्यात आली.

रत्नाकर गुट्टे यांनी विविध बँकांकडून सुमारे ३२८ कोटी रुपयांचा कर्ज शेतकऱ्यांच्या नावावर घेतल्याचा आरोप त्यांच्यावर केल्या गेला होता. मात्र कारागृहामध्ये असतांनासुद्धा गंगाखेड मतदार संघातील जनतेच्या प्रश्नांना सोडवण्यासाठी त्यांनी त्यांच्या सहकाऱ्यांना सांगून ठेवले होते.

प्रबोधनकार ठाकरे काय म्हणतात ?

रत्नाकर गुट्टे यांनी गंगाखेड मतदार संघामध्ये मोठ्या प्रमाणात विकास केला असल्याकारणाने मतदारसंघातील सम्पूर्ण जनता त्यांच्याबद्दल भावनिक झाली होती.

कारागृहात असतांना रत्नाकर गुट्टे विजयी

वर्ष होते २०१९. गंगाखेड मतदारसंघामध्ये विधनसभा निवडणूकीची तयारी जोमात सुरू होती. भारतीय जनता पक्ष प्रेरित राष्ट्रीय समाज पक्षाचे अधिकृत उमेदवार म्हणून रत्नाकर गुट्टे हे कारागृहात असतांना उभे होते. कारागृहात गुट्टे साहेब कसे काय निवडून येतील?

हा प्रश्न सर्व जनतेला पडला असतांना गंगाखेड मतदारसंघातील जनतेने आपला विश्वास गुट्टे साहेबांना मतदान करून व्यक्त केला आणि २०१९ च्या विधानसभा निवडणुकीत गुट्टे साहेब हे जवळपास १८००० मतांनी विजयी झाले.

एखादा उमेदवार कारागृहामधून निवडून येऊ शकतो. हे राजकीय इतिहासामध्ये पाहिल्यांदाच घडले होते. अखेर जनतेच्या प्रेमापोटी रत्नाकर गुट्टे गंगाखेड मतदारसंघाचे आमदार झाले.