कार्यकर्ताच राजकीय नेत्यांचा खरा नेता

मंडळी काल रात्रीपर्यंत कार्यकर्ते ज्या नेत्याच्या नावाचे बॅनर आणि भोंगे लावत होते, अचानक सकाळी माहिती पडलं माननीय नेते महोदयांनी चक्क पक्षच बदलला आहे. तेव्हा त्या नेत्यासाठी अहोरात्र झटणारा कार्यकर्ता, वेळप्रसंगी आपल्या नेत्यासाठी गावगाड्यात वाद घालून पक्षाची भूमिका मांडणारा कार्यकर्ता आपल्या मित्र मंडळींना काय उत्तर देईल?

किंवा ज्या नेत्यासाठी त्याने वाद घातले त्या नेत्यानेच पक्ष बदलल्यानंतर तो विरोधकांशी, समाजातील जनतेशी नजर तरी मिळवू शकेल का? अशा कित्येक प्रश्नांची उत्तरं अगोदर रात्रभऱ्यामध्ये स्वतःच्या स्वार्थासाठी पक्ष बदलणाऱ्या राजकीय नेत्यांना विचारण्याची गरज आहे.

जेव्हा आनंद दिघेंच्या मृत्यूनंतर घडलेल्या दंगलीत २ निर्दोष जीव गेले…

कार्यकर्त्यांची कौटुंबिक परिस्थिती नसतांनासुद्धा आपला नेता निवडून आल्यानंतर आपल्या कुटुंबासाठी आपल्या समाजासाठी काही तरी विकास करेल या उमेदीने नेत्यामागे आपली महत्वाची काम सोडून जात असतो. एखादा मोर्चा असला की संपूर्ण जबाबदारी कार्यकर्त्यांवर असते.

मोर्चा, आंदोलने अशा चवळींमध्ये नेत्यांची मूल दिसत नाहीत. ते फक्त जेव्हा निवडणूका येईल तेव्हा उमेदवारी अर्ज भरायला आणि स्वतःचा प्रचार करायला दिसतात. मोर्चांमध्ये आपल्या नेत्यासाठी अंगावर केसेस घेणे, पोलिसांच्या लाठ्या खाणे अशा कित्येक संकटांना कार्यकर्ता तोंड देत असतो.

दिघेंच्या अंतिमयात्रेमध्ये का गेले नाही बाळासाहेब ठाकरे?

मात्र नेत्यांच्या मुलांवर कधीही केसेस लागत नाही. नेत्यांवर कधीही केसेस लागत नाही. कार्यकर्ता पक्षाचा झेंडा आणि दुपट्टा घेऊन गल्लोगल्ली प्रचारासाठी दिवसरात्र फिरतात. आपला नेता निवडून आला तर स्वतः निवडून आल्यासारख त्यांना वाटत. ते ही जाऊद्या जर कदाचित आपल्या नेत्याचा निवडणूकीमध्ये पराभव झाला तर सर्वात जास्त दुःख हे कार्यकर्त्याला होत.

साहेब नेत्यांनी पक्ष बदलल्यानंतर कार्यकर्त्यांच्या अंगात ऑफिस फोडायला लावणार भूत घुसत नाही, खरतर त्यांना या गोष्टीचा पश्चाताप होतो की, आपण ज्याच्यासाठी एवढं सगळं केलं त्यानेच आपल्याशी विश्वास घात केला. कार्यकर्ता हा राजकिय नेत्यांसाठी खरा नेता असतो. म्हणून आपल्या स्वार्थापोटी पक्ष बदलून कार्यकर्त्यांची मनं दुखवू नका.