डॅडी डॉन ते आमदार

मंडळी महाराष्ट्रातील अनेक ठिकाणं आजही त्यांच्या थरारक इतिहासाने ओळखली जातात. यांपैकीच एक म्हणजे मुंबईतील दगडी चाळ. मंडळी दगडी चाळ म्हणजे अरुण गवळी नावाच्या व्यक्तीची दहशत असणारा एरिया.

१९७० ते १९८० या काळामध्ये अरुण गवळी नावाच्या डॅडी म्हणून ओळखल्या जाणाऱ्या डॉनने ही दगडी चाळ चांगलीच गाजवली होती. या चाळीमध्ये आसपासच्या कारखान्यातील आणि गिरणीतील कामगार राहत होते.

या कारणांमुळे हुकल शरद पवार यांचा प्रधानमंत्रीपद

१९७० च्या दशकात अरुण गवळी आणि त्याचा भाऊ किशोर यांनी रमा नाईक आणि बाबू रेशीम यांच्या भायखळा अंडरवर्ल्ड कम्पनीत प्रवेश घेतला. १९८८ मध्ये झालेल्या पोलिसांच्या एका चकमकीत रमा नाईक ठार झाला. आणि त्यानंतर भायखळा कम्पणीची धुरा अरुण गवळीने हातामध्ये घेतली.

अरुण गवळी आणि त्याचा भाऊ नेहमीच पोलिसांच्या निशाण्यावर असायचे. १९८८ ते १९९२ पर्यंत अरुण गवळीचा दाऊदच्या गँगशी संघर्ष चालू राहिला. या सर्व गोष्टींपासून वाचण्यासाठी अरुण गवळीने दगडी चाळीचा आश्रय घेतला.

सेटलमेंट असो की पैशांचा व्यवहार याच चाळीमधून करून अरुण गवळी आपलं प्रत्येक पाऊल अपराधाच्या दिशेने टाकत होता. चाळीमध्ये त्याचा दरबारसुद्धा भरायचा. दगडी चाळीमध्ये असलेल्या १०पैकी दोन इमारतींमध्ये गवळीच गीताई नावाचं घर आहे.

कारागृहात असतांना झाले आमदार

या दहाही इमारती गवळीने एका मुस्लिम व्यवसायीकाकडून २ कोटींना विकत घेतल्या होत्या. या इमारतींपैको एका इमारतीमध्ये त्याने ३ रूम्स बनविल्या होत्या. ज्यापैकी पहिली रूम ही चौकशी करण्यासाठी वापरण्यात येत होती.

दुसऱ्या रूममध्ये मोठे गुंड किंवा बिल्डर्स यांच्यात तह करून पैसे घेतले जायचे. अर्थात सेटलमेंट केली जायची. आणि तिसरी जी रूम होती त्यामध्ये अरुण गवळी व त्याचे साथीदार पोलिसांपासून वाचण्यासाठी आश्रय घेत होते.

याच रूममध्ये अरुण गवळीने जिथे सिलिंडर गॅस ठेवतात तिथून तळ घरात जाण्याचा मार्ग तयार केला होता. मात्र एकदा अरुण गवळी अखेर पोलिसांच्या ताब्यात सापडला. होणाऱ्या कारवाईपासून वाचण्यासाठी गवळीने ‘अखिल भारतीय सेना’ नावाचा पक्ष स्थापन केला आणि निवडून येऊन आमदारपण झाला.

गवळीच्या पक्षाचे तीन नगरसेवकसुदधा होते. मात्र गुन्हेगारी क्षेत्र अरुण गवळीचा पाठलाग करणं काही सोडत नव्हतं. आणि पुन्हा अरुण गवळीला शिवसेना नगरसेवक कमलाकर जामसांडेकर यांच्या हत्येप्रकरणी जन्मठेपेची शिक्षा सुनावण्यात आली.