मंडळी गेल्या काही दिवसांपासून हिजाब प्रकरण असो, नवाब मलिकांच प्रकरण असो, किरीट सोमय्या प्रकरण असो की आता देवेंद्र फडणवीस यांना नोटीस देण्याबाबतच प्रकरण असो या सर्व प्रकरणांमुळे राजकीय वातावरण चांगलंच तापलं आहे.
देवेंद्र फडणवीस यांना नोटीस येऊन त्यांची त्याचाच निस्वासस्थानी चौकशी करण्यात आली. त्यामुळे भारतीय जनता पक्षाने आक्रमक भूमिका घेतली. देवेंद्र फडणवीस यांना अटक झाल्यास संपूर्ण महाविकास आघाडी सरकार पेटून देण्याचा वादग्रस्त वक्तव्यसुद्धा एका भारतीय जनता पक्षाच्या नेत्याने केलं होतं.
या पार्श्वभूमीवर राष्ट्रवादी काँग्रेसचे नेते एकनाथ खडसे यांनी फडणवीसांवर चांगलाच हल्लाबोल केला आहे. देवेंद्र फडणवीस यांना नोटीस आली आणि काय त्यांचा तळफळा सुरू झाला, असा टोला एकनाथ खडसे यांनी लगावला आहे. प्रसार माध्यमांशी बोलत असताना त्यांनी फडणवीसांवर असलेल्या आक्रोशाचा उलगडा केला आहे.
एकनाथ खडसे यांनी देवेंद्र फडणवीस यांच्यावर जोरदार टीका करताना म्हटलं की,
” एक नोटीस आली आणि आपली पिळवणूक होत असल्याचे फडणवीस म्हणत आहेत. मी भ्रष्टाचार बाहेर काढला म्हणून माझी पिळवणूक सुरू झाली. असा ते दावा करत आहेत. तुम्ही नाथा भाऊंची पिळवणूक केली नाही का? मी मुख्यमंत्री पदाचा दावेदार होतो हे तुम्हाला माहिती पडताच तुम्ही माझी पिळवणूक सुरू केली. माझ्यामागे जमीन भूखंड प्रकरण, अंडरवर्ल्ड डॉन दाऊद इब्राहिमच्या बायकोबरोबर माझे संबंध जोडले. अंजली दमानिया यांना माझ्यावर आरोप करायला लावलं. हे उद्योग कुणी केले? तसेच देवेंद्र फडणवीसांच्या कालखंडात माझें फोन टॅब झालेत.”
