गोपीनाथ मुंडे सामान्यांचा असामान्य नेता

मंडळी राजकीय क्षेत्र म्हटलं की काही मोजकेच नेते आपल्याला असे बघायला मिळतात ज्यांना सर्वसामान्य जनतेचा आदर आहे. त्यांच्याबद्दल कळवळा आहे. असाच एक नेता या महाराष्ट्राच्या मातीमध्ये होऊन गेला. ज्यांच नाव होतं गोपीनाथ मुंडे.

स्वभावात निर्मळपणा, कामात कर्तव्यदक्षपणा आणि अन्यायावर रोखठोकपणा घेऊन गोपीनाथ मुंडेंनी आपलं समाजकारण जनतेच्या हितासाठी केलं. गोपीनाथ मुंडे यांचा जन्म १२ डिसेंबर १९४९ ला महाराष्ट्रातील बीड जिल्ह्यातील परळी येथे झाला.

१५ हजार कार्यकर्त्यांसह हार्दिक पटेल आज करणार भाजपात प्रवेश

भारतीय जनता पक्ष त्यांनी जवळपास ४० ते ४५ वर्ष प्रचंड मेहनत करून महाराष्ट्रामध्ये पराकोटीला आणला होता. गोपीनाथ मुंडे यांना ओबीसींचा नेता म्हणून संपूर्ण महाराष्ट्रात ओळखलं जायचं. आपल्या प्रचंड मेहनतीने आणि जनतेच्या प्रेमापोटी ते १९९५ साली महाराष्ट्राचे उपमुख्यमंत्री झाले.

त्यांनी १९८० ते २००९ या कालावधीमध्ये विधानसभेमध्ये एक उत्तम राजकीय प्रतिनिधी म्हणून जनतेचे प्रश्न मांडले. गोपीनाथ मुंडे यांचा लोकांमध्ये प्रभाव एवढा होता की, महाराष्ट्रातील जनताच नाही, तर विरोधी पक्षातील नेतेसुद्धा त्यांचं कौतुक करायचे.

पुण्यश्लोक अहिल्याबाई होळकर

गोपीनाथ मुंडे हे आपल्या मनमोकळ्या आणि दिलखुलास स्वभावामुळे जनतेच्या मनात घर करून बसले होते.

मृत्यूच गूढ अजूनही कायम

भारतीय जनता पक्षाला सर्वसामान्य लोकांपर्यंत पोहचवण्यात गोपीनाथ मुंडे यांचा सिंहाचा वाटा होता. २०१४ साली झालेल्या लोकसभेच्या निवडणुकांमध्ये भारतीय जनता पक्षाला घवघवीत यश आलं होतं.

नरेंद्र मोदी यांच्या नेतृत्वाखाली भारतीय जनता पक्षाने संपूर्ण देशभरात झालेल्या लोकसभा निवडणुकांवर आपलं शिक्कामोर्तब केलं होतं. नरेंद्र मोदी यांच्या मंत्रीमंडळामध्ये गोपीनाथ मुंडे यांना केंद्रीय मंत्री म्हणून स्थान देण्यात आलं होतं.

मात्र केंद्रीय मंत्री झाल्यानंतर अवघ्या काहीच दिवसांमध्ये आपल्याच सत्कार समारंभाच्या कार्यक्रमाला जात असताना त्यांचा अपघातामध्ये दिल्ली येथे दुर्दैवी मृत्यू झाला. मात्र गोपीनाथ मुंडे यांचा नेमका अपघात झाला की हत्या या मुद्द्यावर अनेक राजकीय नेत्यांनी आपापली मते मांडली होती.