देश पुन्हा गुलामगिरीत जातोय का?

मंडळी वीर भगतसिंग यांनी आपली आई विद्यावती यांना म्हटलं होतं की,

“मला या देशाला स्वातंत्र्य तर मिळवून द्यायचं आहेच. मात्र भारतीय देशाच्या प्रगतीच्या आड येणारी परंपरागत अन हुकूमशाहीची व्यवस्था मला बदलयाची आहे. अन्यथा सत्तेमधला गोरा इंग्रज गेल्यानंतर इथे काळा इंग्रज सत्तेमध्ये येऊन बसेल.”

भगतसिंगांचं हेच विधान आज कुठेतरी खर होतांना दिसून येतंय.

ज्या प्रमाणे भारतीय जनता पक्षाची सत्ता असलेलं केंद्र सरकार प्रत्येक राज्यामध्ये आपल्या हुकूमशाहीची बीजं रोवण्यासाठी प्रयत्न करत आहे.

यावरून लक्षात येत की येणाऱ्या काही वर्षांमध्ये जर या देशातला नागरिक जागा झाला नाही, तर हा देश गुलाम झाल्याशिवाय राहणार नाही.

केंद्र सरकार सध्याच्या परिस्थितीमध्ये ज्या राज्यात भाजपाची सरकार नाही अशा राज्यामधल्या सरकारमधील आमदारांना ईडीची भीती दाखवून ते सरकार बरखास्त करण्याचं षड्यंत्र आखत आहे.

राज्यपाल भगतसिंह कोश्यारी कडून वारंवार होत आला आहे महाराष्ट्राचा अपमान

याच नुकतंच घडलेलं उदाहरण म्हणजे महाराष्ट्रातील महाविकास आघाडीच सरकार कोलमडून पडलं. महाविकास आघाडीतील शिवसेना पक्षामधील आमदारांना केंद्र सरकारने ईडीची भीती दाखवून सरकारमधून बाहेर पडायला सांगितलं.

आणि त्या आमदारांना ज्यामध्ये एकनाथ शिंदे हे प्रमुख होते या सर्वांना एकत्र घेऊन भारतीय जनता पक्षाने आपलं सरकार महाराष्ट्रात स्थापन करण्याच काम केलं.

मात्र जे आमदार भारतीय जनता पक्षाच्या या षडयंत्राला घाबरले नाही. त्यांच्यावर ईडीची चौकशी लादून त्यांना अटक करण्याच कामसुद्धा भाजपच्या केंद्र सरकारने केलं आहे.

यामध्ये सर्वात मोठं उदाहरण म्हणजे शिवसेना नेते संजय राऊत. संजय राऊत यांनी भाजपाला पाठिंबा दिला नाही. म्हणून त्यांच्यावर ईडीची चौकशी लादून त्यांना अटक करण्यात आली.

पण भाजप आणि शिंदे गटामध्ये एकही आमदार भ्रष्ट नाही? हा प्रश्न जनतेला उदभवला आहे.

ठाकरे परिवारावर बोचरी टीका ते शिवसेनेत प्रवेश. सुषमा अंधारे कोण आहेत?

संजय राऊतांची अटक हा सतर्कतेचा इशारा…

मंडळी भाजपसोबत गेले नाही म्हणून संजय राऊत यांना अटक करण्यात येते. हा तुम्हाला दिल्या गेलेला इशारा आहे. कारण उद्या जर तुम्ही भाजपला मतदान केलं नाही, तर तुम्हाला अटक झाल्यास आश्चर्य वाटू देऊ नये.

म्हणून आज आपल्याला सतर्क होण्याची वेळ आहे. आणि हा देश पुन्हा गुलामीत जाऊ नये याची खबरदारी घ्यायची आहे.