मंडळी सगळीकडे सद्धया चर्चेत असलेला अग्निहोत्री यांनी दिग्दर्शित केलेला ‘द कश्मीरी फाईल्स’ हा चित्रपट वादामध्ये अडकलाय. या चित्रपटामधून समाजमध्ये धार्मिक तेढ निर्माण होण्याची शक्यता सृजन नागरिकांकडून वर्तवली जात आहे.
या चित्रपटाला पंजाब सरकार, हरियाणा सरकार आणि मध्यप्रदेशमध्ये टॅक्स फ्री केलेले आहे. काश्मीर फाईल्स हा चित्रपट १९८९ आणि १९९० मध्ये कश्मीरी पंडितांच्या झालेल्या स्थलांतरावर आधारित आहे. या चित्रपटाच्या ट्रेलरवरून उत्तर प्रदेशमधील नागरिक इंतेझार हुसैन यांनी याचिका दाखल केली आहे.
चित्रपटाने हिंदू आणि मुस्लीम समाजामध्ये अशांतता निर्माण होऊ शकते. यामुळे दोन्ही धर्मियांच्या भावना दुखावू शकतात आणि हिंसाचार होऊ शकतो, अशी भीती व्यक्त केली आहे. मुख्य न्या. दिपंकर दत्ता आणि न्या. विनय जोशी यांच्या खंडपीठाने यावर तातडीने सुनावणी निश्चित केली आहे. मात्र या संपूर्ण प्रकरणाचा काय निकाल लागतो यावर सर्वांचं लक्ष लागून आहे.
काय म्हणाले नितेश राणे?
सध्या सगळीकडे वादामध्ये अडकलेल द कश्मीरी फाईल्स हा चित्रपट सगळीकडे चर्चेचा विषय ठरलेला असताना भाजप आमदार नितेश यांनी पत्राद्वारे महाविकास आघाडी सरकारकडे हा चित्रपट महाराष्ट्रात करमुक्त करण्याची मागणी केली आहे.
ते म्हणाले की,
” जम्मू काश्मीरमध्ये मुस्लिम दहशतवादाला बळी पडलेल्या हिंदूंच चित्रण करणाऱ्या ‘ द कश्मीरी फाईल्स हा चित्रपट महाराष्ट्रात टॅक्स फ्री म्हणजेच करमुक्त करावा.”
