मंडळी राजकरण म्हटलं की बहुधा आपण बघतो राजकीय नेते आपल्या राजकीय स्वार्थासाठी जनतेची फसवणूक करण्याचं काम करत असतात. एखाद्या कारवाईचा सर्वसामान्य गोरगरीब व्यक्ती शिकार होतो. मात्र तशाच प्रकारचा गुन्हा एखाद्या नेत्याच्या आप्तिकाने केला तर कुठल्याही प्रकारची कारवाई होत नाही.
याहीव्यतिरिक्त एखाद्या चांगल्या ठिकाणी पात्र गुणवत्ता असलेल्या विद्यार्थ्यांना डावलून आपल्या परिचयातील व्यक्तीला नोकरीची संधी उपलब्ध करून देणे हे तर राजकीय नेत्यांचे नित्याचेच झाले आहे.
मात्र या सर्व कृतींना अपवाद सोडला तर राजकीय नेता कसा असावा याच उत्तम उदाहरण संपूर्ण जगासमोर ठेवणारा नेता म्हणजे भारतीय जनता पक्षाचे कर्तव्यदक्ष नेते व केंद्रीय सडक परिवहन मंत्री नितीनजी गडकरी साहेब.
जनतेकडून मतं लुटण्याच्या इर्षेने अनेक नेते धार्मिक मुद्दे उचलून समाजामध्ये धार्मिक तेढ निर्माण करण्याचा प्रयत्न करत असतात. मात्र नितीन गडकरी यांचा समाजातील कुठलाच वर्ग टीकाकार नाही.
याच कारण म्हणजे त्यांचा कर्तव्यदक्षपणा. मा. नितीन गडकरी नेहमी प्रसार माध्यमांशी किंवा भाषणामध्ये बोलत असताना विकास कामांचेच मुद्दे मांडत असतात. ‘आज तक ‘ या न्यूज चॅनलशी बोलताना त्यांनी असाच एक किस्सा सांगितला होता.
नागपूर जिल्ह्यातील रामटेक तालुक्यामध्ये एका रस्त्याच्या बांधणीच काम सुरू होत आणि रस्त्याशेजारील काही घरे ही अतिक्रमणमध्ये येत होती. ज्यामध्ये गडकरी साहेबांच्या सासरेबुवांचसुद्धा घर होत. तेव्हा त्यांनी अतिक्रमणमध्ये असलेल्या सासरेबुवांच्या घरासमवेत सर्व घरांवर बुलडोझर चालवण्याचे आदेश दिले होते.
हे सर्व घडल्यानंतर गडकरी साहेबांच्या पत्नी आणि त्यांच्या परिवारातील सगळी लोकं त्यांच्यावर नाराज झाली होती. तेव्हा मा. गडकरी साहेबांनी “कायदा हा सर्वांसाठी समान असतो.” अस सांगत संपूर्ण देशासमोर उत्तम राजकीय नेत्याचं उदाहरण ठेवलं होतं.
तुम्ही हे ब्लॉग सुद्धा वाचू शकता.
प्रवीण महाजन यांनी प्रमोद महाजन यांची हत्या का केली?
आमदाराच्या रुपात कोरोना रुग्णांनी बघितला होता देव
तो एकमेव आमदार ज्याला विधिमंडळाच विद्यापीठ म्हणून ओळखल जायचं
नवीन ब्लॉग वाचण्यासाठी आम्हाला फेसबुक वर फॉलो करा .
Facebook : PoliticalWazir
