जेव्हा बाळासाहेबांना पवारांनी मातोश्री सोडायला सांगितल...

मंडळी राजकीय क्षेत्रामध्ये बहुधा आपण बघत असतो की, राजकीय नेते राजकारणात जरी एकमेकांविरोधात टीकाटिप्पणी करत असले, तरी ते दैनंदिन जीवनात एकमेकांचे चांगले मित्र असतात. मग ते गोपीनाथ मुंडे आणि विलासराव देशमुख असो की इतर राजकीय नेते असो.

शरद पवार आणि बाळासाहेब ठाकरे यांच्यामधलीही मित्रता अशीच काही होती. जेव्हा बाळासाहेब ठाकरे यांच्या जीवाला धोका असल्याचं शरद पवार यांना कळलं होतं. तेव्हा पवारांनी आपली मित्रता बाळासाहेबांप्रती दाखवली होती.

आणि त्या घटनेनंतर दादा कोंडके शिवसेनेचे कट्टर शिवसैनिक झाले…

बाळासाहेबांच्या जीवाला अज्ञातांकडून धोका आहे हे कळताच शरद पवार यांनी बाळासाहेब ठाकरे यांना फोन करून संपूर्ण प्रकरण सांगितलं आणि मातोश्री सोडण्याची विनंती केली होती. हा किस्सा नारायण राणे यांनी एका पत्रकार परिषदेमध्ये सांगितला होता.

ते म्हणाले की,

” ज्या वेळेला साहेबांना धोका होता. शरद पवारांनी त्यांना फोन करून सांगितलं तुम्ही लगेच मातोश्री सोडा. मग साहेब अज्ञात स्थळी जाणार होते. त्यांनी मला बोलावलं, तू तुझी जीप घेऊन ये. बाकी कुणाला सांगू नको. मी घरातून निघालो की तू पाठी यायला पाहिजे. तेव्हा मी माझी जीप घेऊन लगेच निघालो. बाळासाहेब अज्ञात स्थळी गेल्यानंतर मी स्वतः त्यांच्यासोबत होतो. त्यांना टेरीरिस्टपासून तेव्हा धोका होता. मुंबईतील बांदऱ्यातल्या एका अज्ञात स्थळी बाळासाहेब ठाकरे हे काही दिवस थांबले होते.”

अस नारायण यांनी पत्रकार परिषदेत बोलतांना सांगितलं होतं.

आनंद दिघे च्या वाढत्या प्रभावामुळे बाळासाहेब ठाकरे झाले होते अस्वस्थ…

बाळासाहेब ठाकरे आणि शरद पवार यांच्या मैत्रीने संपूर्ण राजकीय नेत्यांपुढे एका उत्तम राजकारणाचा आदर्श ठेवला होता. तोच आदर्श घेऊन आजच्या राजकीय नेत्यांनी राजकारण कस करावं आणि राजकीय मित्रता पाठीत खंजीर खुपसणारी नसावी हे समजून घेणं महत्वाचं आहे.