केजरीवाल यांनी २०१४ ला मुख्यमंत्री पदाचा का दिला होता राजीनामा?

मंडळी संघर्ष केला आणि अविरतपणे मेहनत केली तर यश मिळणं हे तेवढंच सत्य आहे. याच जिवंत उदाहरण म्हणजे दिल्लीचे मुख्यमंत्री व आम आदमी पार्टीचे अध्यक्ष अरविंद केजरीवाल.

एका मध्यमवर्गीय कुटुंबातील असणाऱ्या अरविंद केजरीवाल यांचा जीवनपट हा प्रत्येक माणसाला प्रेरणा देणारा आहे. केजरीवाल यांचा जन्म हरियाणातील हिसार या शहरामध्ये १९६८ साली झाला. त्यांनी १९८९ साली खडगपूर विद्यापीठातून आपलं अभियांत्रिकी शिक्षण पूर्ण केलं.

जेव्हा बाबासाहेबांनी दिलेली बातमी केसरीमध्ये छापण्यास टिळकांनी नकार दिला…

त्यानंतर TCS या कंपनीमध्ये त्यांनी काही वर्षे नोकरी केली. मात्र जनतेच्या प्रश्नांविषयी कळवळा असणाऱ्या केजरीवाल यांना समाजकार्यापासून दूर ठेवण कठीणच. त्यांनी नंतर नोकरीचा राजीनामा देऊन मदर तेरेसा यांच्याबरोबर सामाजिक काम केलं.

मात्र काही काम हे व्यवस्थेचा भाग असल्यावरच करता येतात. हे केजरीवाल यांना चांगलच पटलं होत.म्हणून त्यांनी स्पर्धा परीक्षेची तयारी केली. आणि देशामधून यूपीएससीच्या परीक्षेमध्ये ५७३ वी रँक मिळवली.

२००६ पर्यंत त्यांनी आयआरएस या पदावर प्रशासकीय नोकरी केली. इन्कम टॅक्स रेविन्यू अधिकारी या पदावर कार्यरत असतांना त्यांना कुठल्या भागामध्ये किती घोटाळा केला जातो याची चांगलीच माहिती प्राप्त झाली होती.

शंभु बंध्यो बजरंग……!!

अखेर २००६ साली त्यांनी आपल्या आयआरएस पदाचा राजीनामा दिला आणि आपल्या मित्रमंडळींसोबत ‘परिवर्तन नावाची’ संघटना स्थापन केली. या संघटनेच्या माध्यमातून केजरीवाल यांनी दिल्लीमधील जनतेचे प्रश्न सोडवण्याच काम केलं.

लोकपाल बिल आंदोलनात सहभाग

आता वेळ होती केजरीवाल यांच्या आयुष्याला कलाटणी देणाऱ्या २०११ साली दिल्लीच्या जंतर मंतरवर झालेल्या लोकपाल आंदोलनाची. अण्णा हजारे आणि किरण बेदी यांच्यासोबत केजरीवाल यांनी २०११ ला लोकपाल आंदोलनात सहभाग घेतला आणि संपूर्ण दिल्लीवासीयांच्याच नाही तर संपूर्ण देशाच्या ते नजरेमध्ये एक दमदार नेता म्हणून भरले होते.

अखेर अरविंद केजरीवाल यांनी ‘ आम आदमी पार्टीची’ स्थापना केली आणि २०१४ साली झालेल्या दिल्ली विधानसभा निवडणुकीत त्यांनी ७० जागांपैकी ३१ जागांवर विजय मिळवला आणि दिल्लीचे मुख्यमंत्री झाले.

मात्र केंद्र सरकार दिल्ली सरकराच्या कामाला मदत करत नाही. या वादावरून केजरीवाल यांनी दिल्लीच्या मुख्यमंत्री पदाचा राजीनामा दिला. त्यानंतर पुन्हा दिल्लीमध्ये निवडणूक घेण्यात आली. मात्र यावेळी केजरीवाल यांनी ७० पैकी ६७ जागेवर दणदणीत विजय मिळवत मुख्यमंत्री पद काबीज केल.