मंडळी महाराष्ट्रातील राजकीय क्षेत्रातील राजकीय घडामोडींनी सम्पूर्ण राज्यात सध्या धुमाकूळ घातला आहे. महाविकास आघाडी सरकारने सर्वपक्षीय आमदारांना कायमस्वरूपी मोफत घर देण्याच्या निर्णयाने त्यांची संपूर्ण महाराष्ट्रभरातून टीका केली जात आहे.
आमदारांना मुंबईत मोफत घरे देण्याच्या मुख्यमंत्री उध्दव ठाकरे यांच्या घोषणेवरून ही घरे मोफत दिली जाणार नाही तर त्यासाठी ७० लाख रुपये मोजावे लागतील, अशी सारवासारव गृहनिर्माण मंत्री जितेंद्र आव्हाड यांनी केली. तसेच मुंबई महानगर क्षेत्रातील आमदारांना तसेच मुंबईत मालकीचे घर असणाऱ्यांना घरे दिली जाणार नाहीत.
असेही स्पष्ट करण्यात आले आहे. मात्र अस असलं तरी या मुद्द्यावरून सरकारवर टीका केली जात असतानाच यासंदर्भात विरोधीपक्षनेते देवेंद्र फडणवीस बोलत का नाहीत? असा प्रश्न माजी आमदार हर्षवर्धन पाटील यांनी उपस्थित केला आहे. आणखी बऱ्याच मुद्द्यांवर देवेंद्र फडणवीस गप्प असतात. अस सुद्धा ते म्हणाले.
काय म्हणाले हर्षवर्धन पाटील ?
मंडळी महाराष्ट्र सरकारच्या विविध निर्णयामुळे जेव्हा सम्पूर्ण महाराष्ट्रभरातून टीका होते. तेव्हा देवेंद्र फडणवीस महाविकास आघाडीवर कमालीची टीका करताना दिसत असतात. मात्र सर्वपक्षीय आमदारांना घरे वाटपाचा निर्णय असो की, एसटी कर्मचाऱ्यांचा मुद्दा असो या मुद्द्यांवर देवेंद्र फडणवीस का बोलत नाही?
असा प्रश्न माजी आमदार हर्षवर्धन पाटील यांनी उपस्थित केला आहे. ते म्हणाले की,
” एसटीच्या कर्मचारी संपापासून तर आतपर्यंत चाललेल्या वेगवेगळ्या योजनांमध्ये ३० ते ४० टक्के कट लावण्यापर्यंत दिसत आहे. अशा परिस्थितीमध्ये या आमदार लोकांना घर देणं सरकारला कस काय परवडल? राज्यात प्रचंड आर्थिक संकट असतांना सरकार उधळपट्टी करतंय आणि आता देवेंद्र फडणवीस तोंडात बोळा घालून बसले आहेत.”
