Political Wazir

Tag: karnatak

  • मुस्लिमांसाठी दरवाजे चारही बाजूने बंद केले जात आहे- अबू आजमी

    मुस्लिमांसाठी दरवाजे चारही बाजूने बंद केले जात आहे- अबू आजमी

    मंडळी कर्नाटक उच्चन्यायालयाच्या निकालाने हिजाब प्रकरणात पुन्हा एकदा ट्विस्ट आणला आहे. हिजाब घालणे ही आवश्यक धार्मिक प्रथा नसल्याचे उच्च न्यायालयाने म्हटले आहे. त्यामुळे संपूर्ण देशभरात चर्चेचा विषय ठरलेलं हिजाब प्रकरण पुन्हा चर्चेत येण्याची शक्यता आहे. न्यायालयाने म्हटले की, शालेय गणवेशावर विद्यार्थी आक्षेप घेऊ शकत नाही.
     
     
    मात्र आता या निर्णयावरून देशभरातून प्रतिक्रिया उमटत आहेत. समाजवादी पक्षाचे नेते अबू आजमी यांनी या प्रकरणाबद्दल प्रतिक्रिया दिली असून मुस्लिम समाजासोबत अन्याय होत असल्याचे त्यांनी सांगितले आहे. प्रसार माध्यमांशी बोलत असतांना त्यांनी सांगितले की,
     
     
    ” कोर्टाच्या निर्णयाचे स्वागत आहे. पण हा निर्णय चुकीचा आहे. कोण काय घालणार आणि काय खाणार हे त्या व्यक्तीवर अवलंबून आहे. शीख धर्मीयांसाठी पगडी आणि तलवार त्यांच्या समाजात अनिवार्य आहे आणि त्यांना कोणी थांबवू शकत नाही. शीख व्यक्तीला तुम्ही पगडी काढायला सांगाल का? तेव्हा तुम्ही का बोलत नाहीत. मुस्लिम समाजासोबत अन्याय होत आहे. कोर्टाने काहीही म्हटले तरी मुस्लिम समाजमध्ये हिजाब घालणे हा इस्लामचा भाग आहे. आपल्या पतीव्यतिरिक्त अन्य कोणत्याही व्यक्तीसमोर चेहरा खुला ठेवून जाणे गुन्हा आहे. हिजाब इस्लामचा अविभाज्य भाग नसल्याचे कसे मी मान्य करू? आम्ही हे लहानपणापासून वाचत आलो आहोत. या निर्णयामुळे मुस्लिमांचे दरवाजे चारही बाजूने बंद केले जात आहेत.”
     
     
     
    असे अबू आजमी यांनी सांगितले. कर्नाटकमध्ये गाजलेलं हिजाबच प्रकरण हे संपूर्ण देशभरात असंतोष पसरवणार होत. निवडणूका जवळ आलेल्या कारणाने राजकीय टोळ्यांनी हिंदू मुस्लिम वादाचे मुद्दे उखरून काढले होते.
     
     
     ऐन निवडणूकीच्या वेळेलाच हिजाब प्रकरण कस काय? 
     
     
                   निवडणुकीच्या वेळेला राजकीय टोळ्यांनी मुद्दाम उखरून काढलेला हिंदू मुस्लिम वाद निव्वळ मते लुटण्यासाठी निर्माण केल्या गेला होता. मात्र जशी निवडणूक संपली संपूर्ण हिजाब प्रकरण शांत झालेलं आपल्या सर्वांना पाहायला मिळाल. अशा राजकीय टोळ्यांच्या दंगल भडकावू मनसुब्यापासून सामान्य लोकांनी दूर राहणे गरजेचे आहे.
  • नक्कलेवर लढणारे बेअक्कल

    नक्कलेवर लढणारे बेअक्कल

             मंडळी राजकारणामध्ये अनेक नेते एकमेकांची नक्कल करतांना आपण बघत असतो. उदाहरणार्थ महाराष्ट्र नवनिर्माण सेनेचे अध्यक्ष मा. राज ठाकरे असो की राष्ट्रवादी काँग्रेस पक्षाचे आमदार मा. अमोल मिटकरी असो. असे अनेक नेते भाषणादरम्यान किंवा संवाद करत असताना एकमेकांची नक्कल करून एकमेकांची खिल्ली उडवताना आपल्याला दिसतात. मात्र दिनांक २२ डिसेंबर २०२१ ला विधानसभेत शिवसेना आमदार भास्कर जाधव यांनी मा.पंतप्रधान नरेंद्र मोदी यांच्या केलेल्या नक्कलेवरून चांगलाच गदारोळ झाला. एकीकडे दिल्लीमध्ये विरोध पक्षाच्या खासदारांच्या निलंबनाची मागणी सुरू आहे तर दुसरीकडे महाराष्ट्राच्या विधानसभेत विरोधी पक्षातील आमदारांच्या निलंबनाची मागणी करण्यात आली .
    विधानसभेमध्ये राज्यातील वीज कापणी संदर्भात चर्चा सुरू असताना ऊर्जामंत्री नितीन राऊत मा. पंतप्रधान नरेंद्र मोदी यांच्या काही विधानांचा संदर्भ देत म्हणाले की, \” मा. पंतप्रधान मोदी साहेबांनी म्हटलं होतं की परदेशात असलेला काळा पैसा देशात परत आणू. प्रत्येक शेतकऱ्याच्या खात्यात पंधरा पंधरा लाख रुपये टाकू.\” परिणामी यावर विरोधी पक्षनेते देवेंद्र फडणवीस यांनी उत्तर देतांना कमालच केली. ते म्हणाले की, \” मोदीसाहेब अस म्हणालेच नाहीत.\” यावर शिवसेना आमदार भास्कर जाधव यांनी हस्तक्षेप करतांना मा. पंतप्रधान मोदी साहेबांची नक्कल केली आणि म्हणाले की,\” २०१४ साली नरेंद्र मोदी पंतप्रधान होण्यापूर्वी १०० वेळा म्हणाले आहेत की \’ काला धन लाने का की नहीं लाने का? तो लाने का.. लाने का तो कहा रखने का? यू ही रखने का\’ अस ते बोलले. यावर विरोधी पक्षनेते देवेंद्र फडणवीस यांनी भास्कर जाधव यांच्या निलंबनाची मागणी केली.
    मोदी साहेबांची नक्कल दिसली पण छत्रपती शिवरायांची विटंबना नाही दिसली फडणवीस साहेब?

                मंडळी छत्रपती शिवरायांच्या अस्मितेचा वापर भारतीय जनता पक्ष नेहमी राजकारणापुरताच करताना दिसतो. कारण त्यांना शिवरायांपेक्षा मोदीसाहेबांची अस्मिता  महत्वाची वाटते. हे काल विधानसभेत फडणवीसांच्या वर्तवणूकीवरून दिसून आलं. कर्नाटकमध्ये छत्रपती शिवरायांच्या झालेल्या बदनामीवर देवेंद्र फडणवीस यांनी कुठल्याही प्रकारची प्रतिक्रिया दिली नाही. मात्र विधानसभेमध्ये भास्कर जाधव यांनी मोदी साहेबांची नक्कल केली तर बेंबीच्या देठापासून ओरडून फडणवीस साहेब त्यांचा निषेध करत होते. आपल्या भाषणामधून फक्त शिवरायांच नाव घेणं हा त्यांचा राजकीय जुमला असतो हे लोकांच्या चांगलंच लक्षात आलं आहे.