Political Wazir

Tag: Loksabha 2024

  • अंतिम निकाल आणि एक्झिट पोल; भविष्य आणि वास्तविकता.

    अंतिम निकाल आणि एक्झिट पोल; भविष्य आणि वास्तविकता.

    २०२४ च्या लोकसभा निवडणुका आज ०१ जुनला संध्याकाळी ०६ वाजता संपतील आणि संपुर्ण निवडणूकांचा अंदाज घेऊन लोकसभेत कोण बाजी मारेल या साठी यासाठी एक्झिट पोल प्रसारित करणाऱ्या मोठमोठ्या संस्थांमध्ये स्पर्धा सुरू होईल.

    परंतू एक्झिट पोल चा अंदाज योग्य असतो का? असा प्रश्न सामान्य जनतेच्या मनात निर्माण होतो त्या साठी मागील निवडणुकीचा अधार घेऊन एक्झिट पोल आणि वास्तविक निकाल याचा आढावा घेवूयात.

    एक्झिट पोल हा प्रत्येक मतदारसंघाचा अभ्यास करून मतदारसंघाची स्थिती, मतदानाचे प्रमाण, उमेदवरांची छबी आणि मागील निवडणूकीचा निकाल अशा विविध पैलू च्या आधारे प्रसारित केला जातो. एक्झिट पोल हा योग्य ठरेल असे नक्की सांगता येत नाही एक्झिट पोल म्हणजे निकाल पूर्व लावलेला एक अंदाज असतो.

    २०२४ च्या निवडणुकीचा एक्झिट पोल शेवटच्या टप्यातील मतदान संपल्या नंतर ३० मिनिटांनी म्हणजेच ०६:३० वाजल्या पासून प्रसारित केले जातील. परंतू सर्व ५४३ संसदीय जगांसाठीचे वास्तविक निकाल भारताच्या केंद्रीय निवडणुक आयोगाकडून ०४ जुन रोजी प्रसारित केले जातील.

    २०१४ मध्ये बहुतेक एक्झिट पोलने भाजपच्या नेतृत्वाखाली NDA सत्तेत येईल असा अंदाज व्यक्त केला होता परंतू विजयाचा अचूक अंदाज लावण्यात एक्झिट पोल अपयशी ठरले होते. २०१४ मध्ये विविध संस्था द्वारे प्रसारित केलेले एक्झिट पोल आणि वास्तविक निकाल यांच्या आकडे मधला फरक खालील प्रमाणे आहे.

    एक्झिट पोल प्रसारित करणाऱ्या काही संस्था आणि त्यांचे एक्झिट पोल.

    १) इंडिया टुडे- NDA-२७२ आणि UPA-११५

    २) न्यूज २४ – NDA-३४० आणि UPA-१०१

    ३) CNN- IBN – NDA-२८० आणि UPA-९७

    ४) टाईम्स नाऊ -NDA-२४९ आणि UPA-१४८

    ५) ए बी पी न्यूज -NDA-२७४ आणि UPA-९७

    ६) एन.डी टीव्ही -NDA-२७९ आणि UPA-१०३

    हि एक्झिट पोलची आकडेवारी होती वास्तविक निकाल मध्ये
    NDA- ३३६ जागा जिंकल्या होत्या
    UPA -६० जागा जिंकल्या होत्या

    एकट्या भाजपने या निवडणुकीत २८४ जागा जिंकल्या होत्या आणि काँग्रेसने ४४ जागा जिंकल्या होत्या

    एक्झिट पोल नुसार सरकार जरी भाजपच्या नेतृत्वखाली NAD चे सत्तेत आले असले तरी एक्झिट पोल आणि वास्तविक निकाल यामध्ये बराच फरक दिसुन येतो.

    २०१९ मध्ये सुध्दा एक्झिट पोल आणि वास्तविक निकाल या मध्ये बराच फरक दिसुन आलता.

    १) इंडिया टुडे – NDA-३३९-३६५ आणि UPA -७७-१०८

    २) न्यूज २४ – NDA-३५० आणि UPA-९५

    ३) न्यूज १८- NDA-३३६ आणि UPA-८२

    ४) टाईम्स नाऊ- NDA-३०६ आणि UPA-१३२

    ५) इंडिया टीव्ही- NDA-३०० आणि UPA-१२०

    ६) सुदर्शन न्यूज- NDA-३०५ आणि UPA-१२४

    हि २०१९च्या एक्झिट पोलची आकडेवारी होती वास्तविक निकाल मध्ये
    NDA-३५२ जागा जिंकल्या होत्या
    UPA -९१ जागा जिंकल्या हित्या

    एकट्या भाजपने या निवडणुकीत ३०३ जागा जिंकल्या होत्या आणि काँग्रेसने ५२ जागा जिंकल्या होत्या.

    परंतू २०२४ च्या निवडणूकीत देशातले राजकीय समीकरण पूर्ण बदलले आहेत. भाजप सरकारवर जनता नाराज आहे. वाढती बेरोजगारी, महागाई याचा भाजपला फटका बसेल असा अंदाज आहे.

    २०२४ च्या लोकसभा निवडणुकीत भाजपच्या नेतृत्वाखालील राष्ट्रीय लोकशाही आघाडी (NDA) आणि काँग्रेसच्या नेतृत्वाखालील INDIA यांच्यात थेट लढत झाली. सत्ताधारी भाजप पंतप्रधान नरेंद्र मोदी यांच्या नेतृत्वाखाली सलग तिसऱ्यांदा सत्ता मिळवू पाहत आहे. भाजपने एनडीएसाठी “400 पार” जागांचे महत्त्वाकांक्षी लक्ष्य ठेवले आहे. तर सविंधानाच्या रक्षणासाठी आणि महागाई साठी बचाव सामान्य जनतेच्या बाचावा साठी काँग्रेस च्या नेतृत्वाखाली INDIA निवडून लढवताना दिसत आहे.

    थोडक्यात मागील निकालांचा विचार केला आणि बदलती राजकीय परिस्थिती लक्षात घेतली तर एक्झिट पोल च्या आधारे सत्तेत कोण येईल याचा अंदाज येवू शकतो परंतू कोण किती जागा जिंकेल याचा अंदाज येणं कठीण आहे.

  • पंतप्रधान नरेंद्र मोदी यांच्या ध्यान धारणा आणि चिंतना मागे त्यांचा राजकीय डाव आहे का?

    पंतप्रधान नरेंद्र मोदी यांच्या ध्यान धारणा आणि चिंतना मागे त्यांचा राजकीय डाव आहे का?

    लोकसभा निवडणुकीचा ०१ जूनला सातवा टप्पा पार पडणार आहे आणि हा या लोकसभा निवडणुकीचा शेवटचा टप्पा असणार आहे. या टप्प्यात आठ राज्य आणि केंदरशासित प्रदेशांमधील एकूण ५७ लोकसभा मतदारसंघासाठी मतदार आपला मतदानाचा हक्क बजावणार आहेत. तत्पूर्वी ३० मे ला या टप्प्यातील प्रचार थांबवण्यात आले असून आचारसंहिता लागू करण्यात आली आहे.

    गेल्या ०२ ते ०३ महिन्या पासूनच पंतप्रधान नरेंद्र मोदी लोकसभा निवडणुकीचा प्रचार करत होते. ३० मे ला शेवटच्या टप्यातल्या मतदारसंघांत आचारसंहिता लागू झाली आणि प्रचार थांबताच पंतप्रधान नरेंद्र मोदी ध्यान धारणा करणारं असलायच्या चर्चा रंगल्या.

    पंतप्रधान नरेंद्र मोदी हे कन्याकुमारी येथील स्वामी विवेकानंद रॉक मेमोरियल इथे ४८ तास ध्यान धारणा आणि चिंतन करणार आहेत. त्यांची ध्यान धारणा ०१ जूनला दुपारी ०३ वाजेपर्यंत चालणार असल्याचं बोललं जातं आहे. नरेंद्र मोदी ३० तारखेलाच कन्याकुमारीत पोहचले होते त्यानी स्वामी विवेकानंद रॉक मेमोरियला भेट दिली.

    पंतप्रधान नरेंद्र मोदी यांच्या या ध्यान धारणेला विरोधक विरोध करत आहेत आणि पंतप्रधान नरेंद्र मोदी आचार संहितेचे उलंगण करत असल्याचे आरोप केले जात आहेत. त्याच बरोबर विरोधी पक्षानी निवडणूक आयोगाकडे तक्रार देखील केली आहे.

    आचार संहिता लागू झाल्या नंतर प्रत्यक्ष किंवा अप्रत्यक्ष प्रचार करण्यास बंदी असते परंतू नरेंद्र मोदी ध्यान धारणा करत असल्यामुळे चर्चेत आले आहेत आणि त्यांच्या या ध्यान धारणेमागे राजकीय खेळी आहे असे विरोधकांचे मत आहेत.

    २०१४आणि २०१९ मध्ये सुध्दा नरेंद्र मोदी लोकसभा निवडणुकीचा प्रचार संपल्या नंतर चर्चेत राहिले होते. २०१४ मध्ये त्यांनी प्रचार संपल्या नंतर प्रतापगड ला भेट दिली होती आणि २०१९ मध्ये प्रचार संपल्या नंतर मोदींनी केदारनाथला जाऊन ध्यान धारणा केली होती.

    परंतू या वेळी नरेंद्र मोदी यांनी कन्याकुमारी हे ठिकाण ध्यान धारणेसाठी निवडले आहे. या मागे त्यांची राजकीय खेळी असल्याचं बोलले जात आहे. ०७ व्या टप्प्यातील मतदारसघांत पश्चिम बंगालमधील ०७ जागा साठी मतदान होत आहेत आणि स्वामी विवेकानंद यांची जन्म भूमी आणि कर्मभूमी म्हणून पश्चिम बंगाल ओळखले जाते. त्यामुळे मोदींनी स्वामी विवेकानंद रॉक मेमोरियल येथे ध्यान धारणा करून पश्चिम बंगाल मधीले मतदान आपल्याकडे खेचण्याचा प्रयत्न करत असल्याचे बोलले जात आहे.

    मागच्या लोकसभा निवडणुकीत भाजपनी पश्चिम बंगाल मधून १८ जागा जिंकल्या होत्या या वेळेस ३५ पेक्षा जास्त जागा जिंकणार असा भाजपनी नारा दिला आहे. त्यामुळें पश्चिम बंगाल भाजप साठी खूप महत्त्व पूर्ण राज्य आहे.

    त्याच बरोबर कन्याकुमारी हे भारताचे दक्षिण टोक आहे दक्षिणेकडे भाजपला अत्ता पर्यंत हवे तसे यश मिळाले नाही म्हणुन दक्षिणेत भाजपचा प्रभाव वाढवण्यासाठी मोदींनी कन्याकुमारी हे ठिकाणं ध्यान धारणा करण्यासाठी निवडले असल्याचे सुद्धा काही लोक बोलत आहेत.

    नरेंद्र मोदी हे हिंदू मुस्लीम धर्मावर राजकारण करतात. स्वामी विवेकानंद हे हिंदू धर्माचे समाजसुधारक म्हणून ओळखले जातात. नरेंद्र मोदी यांनी हिंदु धर्मिय मतदरा सोबत धार्मिक राजकारण करून आपल्याकडे आकर्षित करण्याससाठी कन्याकुमारी हे ठिकाण ध्यान धारणा करण्यासाठी निवडले आहे असे राजकीय अभ्यासकांचे मत आहे. असे विविध मत जरी असले तरी यात किती तत्थे आहे यावर शंका आहे.

    तुम्हाला काय वाटते पंतप्रधान नरेंद्र मोदी यांच्या ध्यान धारणा आणि चिंतन करण्या मागे त्यांचा राजकीय डाव आहे का तुमचे मत कळवा.

  • जाणून घ्या. महाराष्ट्र विधान परिषदेचं स्वरुप नेमकं कसं आहे? विधान परिषद निवडणूक कशी होते?

    जाणून घ्या. महाराष्ट्र विधान परिषदेचं स्वरुप नेमकं कसं आहे? विधान परिषद निवडणूक कशी होते?

    भारत हा लोकशाहीप्रधान देश आहे. भारतानी संघराज्य शासन पद्धतीचा स्विकार केला आहे आणि केंद्रा प्रमाणेच राज्यात सुद्धा द्विगृही कायदेमंडळ स्थापन केले आहे. केंद्रात जशी संसद आहे तशी राज्यात राज्याचे विधीमंडळ असते. संसदेत राज्यसभा आणि लोकसभा असे दोन सभागृह आहेत तसेच राज्यात विधानसभा आणि विधान परिषद असे दोन सभागृह आहेत. अशा दोन सभागृह असलेल्या कायदेमंडळाला द्विगृही कायदे मंडळ म्हणतात.

    राज्याचे सरकार कसे काम करते हे समजून घेण्यासाठी विधानसभा आणि विधान परिषद समजून घेणे आवश्यक आहे. विधानसभेतील सदस्य प्रत्यक्ष लोकांद्वारे निवडून दिले जातात परंतू विधान परिषदचे सदस्य अप्रत्यक्ष निवडले जातात त्यामुळे विधानपरिषदची निवड प्रक्रिया आणि विधान परिषद म्हणजे काय आहे हे समजून घेणे आवश्यक आहे.

    विधान परिषद म्हणजे काय?

    भारतातील घटकराज्यांच्या कायदेमंडळातील वरिष्ठ सभगृहला विधान परिषद असे म्हणतात. महाराष्ट्र, कर्नाटक, उत्तरप्रदेश, बिहार, आंध्रप्रदेश, आणि तेलंगणा या ०६ राज्यात सध्या द्विगृही कायदेमंडळ(विधान परिषद) अस्तित्त्वात आहे व तिथे विधानसभे सोबत विधान परिषदेत सुद्धा अस्तित्त्वात आहे. बाकी सर्व राज्यात एकगृह कायदेमंडळ पद्धती आहे.

    महाराष्ट्र विधान परिषदेची रचना.

    केंद्रात ज्याप्रकारे राज्यसभा हे वरीष्ठ सभागृह असतं त्याप्रकारे राज्याच्या राजकारणात विधान परिषद हे वरीष्ठ सभागृह म्हणून ओळखलं जातं. पण वरीष्ठ सभागृह मानलं जात असलं तरी विधान परिषदेकडे खूपच कमी अधिकार असतात. भारतीय संविधानाच्या अनुच्छेद 171 (1) मध्ये विधान परिषदेबाबत तरतुदींची माहिती देण्यात आली आहे.

    विधान परिषदेचा कार्यकाळ विधानसभेप्रमाणे पाच वर्षाचा नसून विधान परिषदेतील ०६ वर्ष पूर्ण झालेले एकूण सदस्यसंख्येपैकी एक-तृतीयांश सदस्य दर दोन वर्षांनी निवृत्त होतात आणि त्यांच्या जागी नवीन सदस्य निवडून दिले जातात.

    राज्याच्या विधानसभेत एकूण २८८ सदस्य आहेत. तर विधान परिषदेतील सदस्य संख्या हि एकूण ७८ इतकी आहे. संविधानातील तरतुदीनुसार कोणत्याही राज्यांतील विधान परिषदेतील सदस्यांची संख्या किमान ४० असावी तर कमाल संख्या ही विधानसभेच्या एकूण सदस्यसंख्येच्या एक-तृतीयांश इतकी असू शकते असा नियम आहे. याचा अर्थ महाराष्ट्र विधान परिषदेची सदस्य संख्या जास्तीत जास्त ९६ पर्यंत वाढवता येऊ शकते.

    महाराष्ट्र राज्याच्या विधान परिषदेत एकूण ७८ सदस्य आहेत. त्यातील ३० सदस्य विधानसभा सदस्यांमार्फत निवडले जातात आणि २२ सदस्य विविध स्थानिक प्राधिकारी संस्थांमार्फत निवडले जातात. तसेच ०७ सदस्य पदवीधर मतदारसंघांमधून तर ०७ सदस्य शिक्षक मतदारसंघांमधून निर्वाचित होत असतात.

    याव्यतिरिक्त राज्याचे राज्यपाल 12 सदस्यांची नामनियुक्त करतात. हे सदस्य वाडःमय, शास्त्र, कला, सहकारी चळवळ आणि समाजसेवा यामध्ये विशेष ज्ञान किंवा व्यावहारिक अनुभव असलेले असतात आणि त्त्यांनाच विधानपरिषदेवर नामनिर्देशित केले जाते.

    विधान परिषद निवडणूक कशी होते?

    विधानसभेच्या निवडणुक प्रकिया प्रमाणे विधान परिषदेत थेट निवडणूक प्रकिया नसते. विधान परिषदेच्या निवडणुकीसाठी पसंतीक्रमाची पद्धत इथं वापरली जाते. निवडणुकीसाठी जेवढे मतदार उभे असतील तेवढ्या उमेदवारांना पसंतीक्रम देता येतो.

    विधान परिषदेच्या निवडणूकीत निवडून येण्यासाठी संबंधित मतदारसंघाची मतदारसंख्या आणि उमेदवार यांच्यानुसार निवडणूक आयोग एक कोटा निश्चित करतो. निर्धारित कोट्या एवढे प्रथम क्रमांकांचे मतं मिळवणारा उमेदवार विजयी होतो. पहिल्या पसंतीचे मतं कोट्याएवढी नसल्यास दुसऱ्या पसंतीचे मतं मोजले जाते. अंक जो कोटा पूर्ण करील तो उमेदवार विजयी ठरवला जातो. निर्धारित कोटा पूर्ण करणारा कोणत्याही पसंतीचा उमेदवार विजयी होऊ शकतो. त्यामुळे कोणाचेही मतदान वाया जात नाही.

    विधानपरिषद निवडणुकीत सर्वांत मोठा मुद्दा गुप्त मतदानाचा आहे. राज्यसभेत खुलं मतदान असल्याने पक्षाच्या आमदारांना मत दाखवून टाकावं लागतं. पण विधान परिषदेत आमदार गुप्त मतदान करतात. त्यामुळे विधान परिषद निवडणुकीत मोठ्या प्रमाणावर क्रॉस वोटिंग होण्याची शक्यता नेहमी व्यक्त केली जाते.

  • शिक्षक आणि पदवीधर मतदारसंघातील ०४ जागे साठी निवडणूका होणार! उमेदवारी देताना पक्षांमध्ये एकमत नाही.

    शिक्षक आणि पदवीधर मतदारसंघातील ०४ जागे साठी निवडणूका होणार! उमेदवारी देताना पक्षांमध्ये एकमत नाही.

    नुकत्याच महाराष्ट्रातल्या लोकसभा निवडणूका पार पडल्या आहेत त्यामुळे आत्ता सगळ्यांचे लक्ष ०४ जुन ला जाहीर होणाऱ्या लोकसभा निवडणुकीच्या निकला कडे आहे, अशातच केंद्रीय निवडणुक आयोगाने विधानपरिषदेच्या शिक्षक आणि पदवीधर मतदार संघातील ०४ जागे साठी निवडणूक वेळापत्रक जाहीर केले आहे.

    मुंबई पदवीधर मतदारसंघ, मुंबई शिक्षक मतदासंघ, कोकण पदवीधर मतदारसंघ, नाशिक शिक्षक मतदारसंघ या चार मतदारसंघातील आमदारांचा कार्यकाळ ०७ जुलैला संपत आहे त्यामुळे त्या जागा भरून कडण्यासाठी निवडणूक आयोगानी या निवडणूका जाहिर केल्या आहेत.

    ३१ मे पासुन ०७ जुन पर्यंत या जागेसाठी अर्ज भरण्याची मुदत असल्यामुळे महविकास आघाडी आणि महायुती कडून जोरदार तायारी चालू झाली आहे. २६ जुनला या चारही मतदारसंघातील निवडणूका पार पडणार आहेत आणि ०१ जुलै ला निकाल जाहिर होणार आहे. त्याच बरोबर ०४ जुन ला लोकसभा निवडणुकीचा निकाल आहे आणि २६ जुनला विधानपरिषदेच्या निवडणूका यामुळें उमेदवारी जाहिर करताना पक्षांमध्ये मतभेद होतांना दिसत आहेत.

    मुंबई पदवीधर मतदारसंघातून ठाकरे गटाने अनिल परभ यांना उमेदवारी जाहिर केली आहे. परभ उद्धव ठाकरे यांचे जवळचे नेते म्हणून ओळखले जातात २०१२ मध्ये ते पहिल्यांदा विधानपरिषदेवर निवडून आले २०१८ मध्ये ते पुन्हा आमदारा द्वारे निवडूण येऊन ते आमदार झाले. माहविकास आघाडीचे सरकार असताना त्यांनी राज्याचे परिवहन मंत्री म्हणून जबाबदारी सांभाळली आहे. आणि अत्ता पुन्हा एकदा त्यांना या मतदारसंघातुन उमदेवरी देण्यात आली आहे.

    या उलट महायुती मध्ये मात्र उमेदवारी जाहिर करण्यात संभ्रम दिसतोय हि जागा शिवसेनेची पारंपारिक जागा असल्यामुळें शिवसेना शिंदे गटाकडून या जागेवर दीपक सावंत यांना उमेदवारी मिळावी अशी मागणी केली आहे परंतू या जागेवर भाजप दावा करत तरुण भारतचे किरण शेलार यांना उमेदवारी देण्याची इच्छा प्रकट केली आहे. परंतू दीपक सावंत हे २००४ पासुन २०१८ पर्यंत विधानपरिषदेत निवडूण आले आहेत २०१४ च्या फडणवीस सरकार मध्ये सावंत यांनी आरोग्य आणि कुटुंब कल्यान मंत्री म्हणून काम केलं आहे त्यामुळे त्यांनाच उमेदवारी देण्यात येईल असे बोलले जात आहे.

    मुंबई शिक्षक मतदारसंघाचा विचार केला तर इथून शिक्षक भारती संघटनेचे कपिल पाटील आमदार आहेत परंतू या वेळेस ते निवडणूक लढवणार नाहीत २००६ पासून पाटील या जागे वर निवडून येत आहेत त्यांनी शिक्षकांच्या हिता साठी अनेक निर्णय घेतले आहेत. परंतू या वेळेस शिक्षक भारती संघटने कडून सुभाष मोरे निवडणूक लढवणार आहेत. सुभाष मोरे शिक्षक भारती संघटनेचे कार्याध्यक्ष आहेत शिक्षकांसाठी जुनी पेन्शन योजना लागू करावी या साठी मोरे यांनी आवाज उठवला आहे. त्यामुळे त्यांची उमेदवारी भक्कम समजली जात आहे.

    ठाकरे गटा कडून मुंबई शिक्षक मतदारसंघासाठी शिवसेना शिक्षक सेनेचे अध्यक्ष ज. न. अभियंकर यांना उमेदवारी दिली आहे. त्यांनी शिक्षकांच्या अनेक समस्या सोडवण्यासाठी आवाज उठवला आहे. याच बरोबर महायुती कडून या मतदारसंघासाठी अजून कोणाचे नाव पुढे आले नाही परंतू कोणाला उमेवारी द्यायची या वर चर्चा चालू असल्याचे समजते.

    याच बरोबर या चारही जागामध्ये महत्वाची मानली जाणारी जागा आहे कोकण पदवीधर मतदारसंघातली. कोकण मतदासंघातून भाजपचे निर्जन डावखर विध्येमान आमदार आहेत, २०१२ मध्ये ते राष्ट्रवादी कडून या मतदासंघात निवडू आले होते त्या नंतर त्यांनी भाजप मध्ये प्रवेश केला आणि २०२८ मध्ये भाजपच्या तिकिटावर निवडून येवून कोकण पदवीधर मतदासंघाचे आमदार झाले. या वेळेस सुद्धा भाजप कडून डावखरच उमेदवार असतील असे बोलले जात होते, परंतू मनसेनी या मतदारसंघातून आपला उमेदवार जाहिर केला आहे.

    लोकसभा निवडणूकीत मनसेनी महायुतीला पाठिंबा दिला होता. त्यामुळे मनसेनी दिलेला उमेदवार महायुतीचा आहे की मनसे स्वातंत्र्य हि निवडणूक लढवणार आहे हे स्पष्ट झाले नाही.

    मनसेनी कोकण पदवीधर मतदारसंघासाठी लेखक, दिग्दर्शक अभिजीत पानसे यांना उमेदवारी जाहिर केली आहे त्यामुळे मनसेच्या विरोधात महायुती आपला उमेदवार उभा करेल का असा प्रश्न सामान्य जनतेला पडला आहे.

    या उलट महविकस आघाडी मध्ये पण उमेदवारी जाहिर करताना तेड निर्माण होण्याचे चिन्ह दिसत आहेत काँग्रेस कडून या जागेसाठी नाना पटोले यांनी दावा केला होता, परंतू ठाकरे गटाकडून किशोर जैन यांना उमेदवारी दिली जाईल अशी चर्चा होताना दिसत आहे परंतू ठाकरे गटांनी दोन मतदारसंघात आपले उमेदवार जाहिर केले आहेत त्यामुळे या मतदारसंघात काँग्रेस मागर घेणार नाही असे बोलले जात आहे.

    नाशिक शिक्षक मतदासंघांत ठाकरे गटाचे विद्येमान आमदार किशोर दराडे यांनाच उमेदवारी मिळण्याची शक्यताता आहे. दराडे यांनी शिक्षकांसाठी सभागृहात नेहमीच आवाज उठवला आहे. त्यामुळे शिक्षकांमध्ये त्यांची चांगली प्रतिमा आहे. त्यामुळे त्यांची उमेदवारी भक्कम आहे असे बोलले जात आहे. या उलट महायुती कडून अजून उमेदवारी जाहिर झाली नसुन ही जागा शिवसेना शिंदे गट लढविणार असल्याचे बोलले जात आहे.

    लोकसभा निवडणुकीच्या पाठोपाठ विधानपरिषदच्या निवडणूका होतायत आणि पक्षा मध्ये उमेदवारी देण्याबाबत एकमत दिसतं नसल्या मुळे ह्या निवडणूका चांगल्याच रंगणार आहेत आणि फुटीचे राजकरण होण्याची सुद्धा शक्यता आहे या निवडणूकीत कोणता पक्ष कोणा सोबात राहील आणि कोण विरोधात जाईल हे पाहणे मजेशीर असणार आहे.

  • बीड मध्ये कोण मारणार बाजी?

    बीड मध्ये कोण मारणार बाजी?

    बीड लोकसभा मतदारसंघात भाजपच्या उमेदवार पंकजा मुंडे यांच्या विरोधात राष्ट्रवादी काँग्रेस – शरदचंद्र पवार पक्षाचे उमेदवार बजरंग सोनवणे अशी लढत रंगली आहे.

    बीड मतदारसंघावर २००९ पासून भाजपचे वर्चस्व आहे. गोपीनाराव मुंडे यांच्या निधनानंतर डॉ. प्रीतम मुंडे यांनी राजकारणात पदार्पण केलं आणि प्रचंड बहुमतानी त्या निवडुन आल्या. २०१९ मध्ये त्यांनी बजरंग सोनवणे यांना पराभूत केले.

    या वेळेस प्रीतम मुंडे यांच्या जागेवर पंकजा मुंडे यांना उमेदवारी दिली आहे. परंतु दोनवेळा खासदार राहीलेल्या डॉ. प्रीतम मुंडे यांना उमेदवारी का टाळली? पंकजा मुंडेला उमेदवारी का मिळाली? याचे उत्तर देताना पंकजा मुंडेंची कोंडी होत आहे. याच बरोबर मागील १० वर्षात खासदार डॉ. प्रीतम मुंडे यांनी बीडचा हवा तसा विकास केलेला नाही. त्यामुळे मतदारांची भाजपावर नाराजी असल्याचे दिसून येत आहे.

    परंतु महायुतीत परळीतून राष्ट्रवादीचे धनंजय मुंडे, केजमधून भाजपाच्या नमिता मुंदडा, माजलगावमधुन प्रकाश सोळंके, गेवराईतून भाजापचे लक्ष्मण पवार व आष्टीतून बाळासाहेब आजबे यांच्यासह विधान परिषदेचे सुरेश धस असे एका मंत्र्यांसह सहा आमदार पंकजा मुंडेंसाठी मैदानात आहेत.

    ही पुर्ण सत्ता फौज जरी मैदानात असली तरी विधानसभेवेळी एकमेकांच्या विरोधात लढलेले आणि पुन्हा लढायचे असल्याने या नेत्यांत एकमत नाही. विधानसभेतील पराभवानंतर पंकजा मुंडेंचा जिल्ह्याशी कमी झालेला संपर्क, बंद पडलेला बैद्यनाथ कारखाना, या मुद्द्याचा फायदा विरोधीपक्षाला होताना दिसतोय.

    बजरंग सोनवणे यांचा उमेदवारी अर्ज भरताना जयंत पाटील म्हणाले,

    ‘‘आमच्याकडे नेते जास्त नाहीत, पण जनता आमच्याकडे आहे. सलग पंधरा वर्षे भाजपची सत्ता असताना ते जिल्ह्याचा विकास करू शकले नाहीत. जिल्ह्यातील जनतेने दिलेल्या जबाबदाऱ्या भाजप पेलू शकला नाही.‘जीएसटी’ने शेतकरी, शेतमजूर आणि सामान्य जनता हैराण झाली आहे. आतापर्यंत देशात काँग्रेस आणि समविचारी पक्षांनी केलेल्या विकासाला शून्य ठरविण्याचे कटकारस्थान पंतप्रधान नरेंद्र मोदी करीत आहेत. भाजपच्या नेत्यांनी टीकाटिपणी करण्यापेक्षा विकासाच्या मुद्द्यावर बोलावे.” असे आव्हान त्यांनी दिले.

    राष्ट्रवादी शरदचंद्र पवार पक्षाचे उमेदवार बजरंग सोनवणे यांच्या मागे केवळ या पक्षाचे जिल्हाध्यक्ष संदीप क्षीरसागर एकमेव आमदार आहेत. तसेच इतर माजी आमदारांचा पाठींबा बजरंग सोनवणे यांना मिळत आहे. २०१९ मध्ये पराभवाला सामोरे जावं लागल होत. या वेळेस निवडुन यायचे असेल, तर खुप कसरत करावी लागणार आहे.

    एकवीस लाखांवर मतदार असलेल्या बीड जिल्ह्यात मराठा समाज सर्वाधिक आहे. त्यामुळे अंतरवाली सराटी येथील आंदोलनाचे सर्वाधिक पडसाद जिल्ह्यात उमटले आहेत. आंदोलनाचे २०० पेक्षा जास्त गुन्हे नोंद झाल्याने सकल मराठा समाज नाराज आहे.

    याचा फायदा नक्कीच बजरंग सोनवणे यांना होणार आहे. परंतु मराठा समाजातील काही दिग्गज नेत्यांचा पंकजा मुंडे यांना पाठींबा आहे. त्यामुळे बिडचे राजकारण कधी कसे पलटेल? हे सांगणे कठीण आहे.

    पंकजा मुंडे आणि बजरंग सोनवणे या दोघांची लडत रंगली असताना ‘वंचित’ ने अशोक हिंगे यांना रिंगणात उतरवले आहे.

    बीड जिल्ह्याच्या विकासाचा विचार केला, तर चिंताजनक परिस्थिती आहे. मागील २० वर्षात एकही औद्योगीक वसाहत स्थापन करण्यात आली नाही. उलट अनेक उद्योग बंद पडले आहेत आणि बंद पडत आहेत. नगर- बीड- परळी रेल्वेमार्गही पुर्ण झाले नाही, अनेक खेडे गावात रस्ते नाहीत, जिल्ह्यात झालेले महामार्ग अरुंद झाल्याने आपघाताचे प्रमाण वाढले आहेत.

    आत्ता लोकभा निवडणुकीत हे आश्वासनासाठी कळीचे मुद्दे बनले आहेत. अशा परिस्थितीत बीड मध्ये २००९ पासुन सत्ता गाजवणारे कमळ सत्तेत येईल की राष्ट्रवादी शरदचंद्र पवार पक्षाची तुतारी सत्तेत यईल याकडे सर्वांचे लक्ष लागून आहे.

  • पंकजा मुंडेंची जातीच्या आधारे राजकीय खेळी!

    पंकजा मुंडेंची जातीच्या आधारे राजकीय खेळी!

    बीड लोकसभा निवडणुक अवघ्या काही दिवसांवर येवुन ठेपली आहे. आणि अशातच या लोकसभा निवडणुकीने वेगळेच वळण घेतले आहे. आधी प्रितम मुंडेंची उमेदवारी रद्द करुन पंकजा मुंडेंना उमेदवारी देण्यात आली, म्हणुन चर्चा होती. परंतु आत्ता या निवडणुकीत ओबीसी विरुध्द मराठा असे वातावरण निर्माण झाले आहे. त्यामुळे पुन्हा बीड लोकसभा निवडणुक चर्चेचा विषय बनली आहे.

    मराठा समाज बजरंग सोनवणे यांना समर्थन देत आहे. परंतू पंकजा मुंडे सोबत रमेशराव आडसकर, प्रकाश सोळंके, नमिता मुंदडा असे मराठा नेते आहेत. परंतु हे नेते जरी असले तरी या मतदारसंघात मराठा समाजाची पंकजा मुंडे वरची नाराजी महायुती साठी चिंतेचा विषय बनत चालली आहे.

    मराठा समाजातील मतदार पंकजा मुंडेंना प्रचारा दरम्यान काळे झेंडे दाखवून विरोध करताना दिसत आहे. अशातच पंकजा मुंडे अपला उमेदवारी अर्ज भरताना शक्ती प्रदर्शन करत,

    “सर्वच समाज माझ्या उमेदवारीचे स्वागत करत आहे. बंजारा समाजानी पांमडी देवुन, धनगर समाजानी घोंगडी देवुन हातात काठी देवुन, मराठा समाजाने भगवा लावुन आणि पगडी बांधुन माझे स्वागत केले आहे.

    परंतु त्यांनी पुढे बोलताना

    “सगळ्या समाजाचे लोक आलेत ना इथे” असे विचारत “धनगर समाजाचे लोक आलेत ना त्यांनी येळकोट… येळकोट…. जय मल्हार बोला, बंजारा समाजाचे लोक आलेत ना त्यांनी जय सेवालाल बोला, माळी समाजाचे लोक आलेत त्यांनी जय ज्योती बोला”, अशा घोषणा देवुन शेवटी “मराठा समाजाचे लोक आलेत ना?” अस विचारत “छत्रपती का आमचे नाहित का?” असा प्रश्न करत, जय जिजाऊ जय शिवराय आशा घोषणा दिल्या आणि “तुम्ही माझ्या साठी मत मागा आणि माझ्या झोळीत टाका”

    असे आव्हान पंकजा मुंडेंनी यांनी मतदारांना केले. त्यामुळे मराठा समाजाचे मत मिळवण्यासाठी पंकजा मुंडे जातीचा आधार घेत आहेत, अशी टिका विरोधक करत आहेत. त्यांच्या भाषणाने आणि घोषनेने मराठा समाजाची नाराजी दुर होइल का? आणि पंकजा मुंडे निवडुन यातील का? असा प्रश्न मतदारांना पडला आहे.

  • मुलाच्या वक्तव्यामुळे गडकरींची अडचण, पक्ष व कार्यकर्ते बॅकफुटवर

    विकास ठाकरेंची प्रचारात सरशी, मुलाच्या वक्तव्यामुळे गडकरींची अडचण, पक्ष व कार्यकर्ते बॅकफुटवर, सोशल मिडियावर ठाकरेंची जादू

    विकास ठाकरे यांच्या उमेदवारीमुळे नागपूर लोकसभेची लढत अत्यंत चुरशीची व अटीतटीची झाली आहे. 10 वर्ष खासदार आणि केंद्रात हेवीवेट मंत्री म्हणून ओळखल्या जाणार्‍या नितीन गडकरींना ठाकरेंचे आव्हान थोपवण्यासाठी गल्लोगल्ली प्रचार करावा लागतो आहे. काही दिवसांपूर्वी गडकरी यांनी आपण यंदा प्रचार करणार नाही, होर्डींग्ज लावणार नाही, कुणाला चहा पाजणार नाही असा दावा केला होता. मात्र निवडणूकीत ठाकरे यांच्या एंट्रीनंतर गडकरींना गल्ली बोळात प्रचाराला उतरावे लागले आहे.

    एप्रीलच्या सुरुवातीपासूनच नागपुरात उन्हाचा तडाखा जाणवतो आहे. प्रचारावरही याचा प्रभाव दिसून येत आहे. गडकरी यांनी प्रचारासाठी खास रथ तयार केला असून त्या रथात वातानुकुलीत यंत्रणा बसविण्यात आली आहे. या उलट ठाकरे हे खुल्या जीपमधून उन्हातान्हात लोकांचे स्वागत स्विकारत दुपारी उशीरापर्यंत जनसंवाद साधत आहेत. गडकरी रोड शो विधानसभा स्तरावर आखला राबविला जात आहे. तर विकास ठाकरे यांनी एका दिवसात फक्त दोन प्रभागांवर लक्ष केंद्रीत केले आहे. ठाकरे दाटीवाटीच्या वस्त्यांमध्ये जीपखाली उतरुन लोकांची भेट घेतात दुसरीकडे गडकरी मात्र रथावरुन खाली उतरत नाहीत. गडकरींच्या रथावर छप्पर आहे तर भाजपचे कार्यकर्ते मात्र रखरखत्या उन्हात प्रचार करण्यासाठी मजबूर आहेत. कुठलाही दिखावा किंवा बडेजाव न करीता मॅन टू मॅन संपर्कावर ठाकरे यांचा भर आहे त्यामुळे त्यांना मिळणारा प्रतिसाद हा सकारात्मक व आश्वस्त करणारा आहे.

    सामाजिक समिकरण विकास ठाकरेंच्या बाजूने
    नागपूर लोकसभेचे सामाजिक समीकरण हे यंदा विकास ठाकरे यांच्या बाजूने असल्याचे दिसते. या निवडणुकीत वंचित बहुजन आघाडी व एमआयएमचा उमेदवार नसल्याने ही मते काॅंग्रेसकडे वळतील असा अंदाज आहे. बसपाची ताकत कमी झाल्यामुळे याचा फायदा देखील काॅंग्रसला होऊ शकतो. मध्य नागपुरात बहुसंख्येने असलेल्या हलबा मतदारांच्या नाराजीचा फटका भाजपला बसण्याची शक्यता आहे. शिवाय कुणबी व इतर ओबीसी मतांचे संभावित कन्साॅलिडेशनही काॅंग्रेसच्या पथ्यावर पडू शकते.

    5 लाखाच्या लीडची हवा गोल
    यंदाच्या निवडणुकीत आपण पाच लाखांपेक्षा जास्त मताधिक्याने निवडून येऊ असा दावा नितीन गडकरी यांनी केला आहे. यापूर्वी 2014 व 2019 च्या निवडणुकीत सुद्धा गडकरी यांनी असा दावा केला होता मात्र या दोन्ही निवडणुकीत त्यांना आपले मताधिक्य 3 लाखांच्या पुढे नेता आले नाही. गडकरी जरु पुन्हा पुन्हा पाच लाखाच्या मताधिक्याच्या बाता करीत असले तरी आता खुद्द भाजप कार्यकर्तेच खासगीत या दाव्याची खिल्ली उडवतांना दिसत आहेत.

    सारंग गडकरींच्या वक्तव्यामुळे भाजप बॅकफूटवर
    गडकरी यांचे धाकटे चिरंजीव सारंग गडकरी यांचे वक्तव्य भाजपच्या कर्मठ कार्यकर्त्यांच्या जिव्हारी लागले आहे.

    2014 मध्ये नागपूर लोकसभा ही भाजपची सीट नव्हती, ही सीट भाजपमुळे निवडून आली नाही यंदाही ही सीट भाजपमुळे नव्हे तर गडकरींच्या ताकतीमुळे निवडून येईल असा दावा सारंग गडकरी यांनी केला होता.

    सारंग गडकरी यांचा हा विडियो समाज माध्यमांवर जोरदार वायरल झाला त्यामुळे भाजप कार्यकर्त्यांमध्ये नाराजी पहायला मिळत आहे. गडकरींना कार्यकर्त्यांची गरज नाही ते स्वतःच सक्षम आहेत असे म्हणत अनेक कार्यकर्त्यांनी प्रचारापासून स्वतःला अलिप्त ठेवले की काय अशी शंका उपस्थित होत आहे.

    प्रचार सभांदरम्यान नितीन गडकरींकडून होणार्‍या अवास्तव दाव्यांमुळे मोठी गोची होत आहे. नागपूर शहरातील 70 टक्के वस्त्यांमध्ये 24 तास पाणीपूरवठा, मिहानमध्ये 1 लाख तरुणांना रोजगार दिला, नागपूरात 1 लाख कोटी रुपयांची विकास कामे केली हे दावे आता मतदारच खोडून काढत आहे. स्थानिक यूट्यूब व सोशल मिडिया चॅनल्सच्या रियालिटी चेकमध्ये मतदारांच्या प्रतिक्रिया बघितल्यास याचा अंदाज येईल. गडकरी साहेबांनी वास्तविकता मांडावी उगाच फेकाफेकी करुन दिशाभूल करु नये असे मत अनेक मतदार व्यक्त करीत आहेत.

    गडकरींच्या “प्यारे” खानमुळे भाजपला नुकसान
    सारंग गडकरी यांचे व्यावसायिक सहकारी व गडकरी यांचे चाहते प्यारे खान हे अल्पसंख्यांक मते मिळवण्यासाठी अहोरात्र मेहनत करीत आहेत. मोमिनपूरा, ताजबाग, हसनबाग, टेका नाका, जाफरनगर या मुस्लीम बाहुल्य वस्त्यांमध्ये प्यारे यांनी इफ्तार पार्टींचा धडाका लावला आहे. इफ्तारीच्या माध्यमातून गडकरींकडे मुस्लीम मतदारांना आकर्षिक करण्याचा त्यांचा प्रयत्न आहे. मात्र या खटाटोपामुळे फायद्यापेक्षा नुकसानच अधिक होण्याची शक्यता आहे. मुस्लीम नेता किंवा समाजातील प्रभावी व्यक्ती म्हणून प्यारे खान यांना अजूनही समाज मान्यता नाही. प्यारे हे व्यक्तिगत फायद्यासाठी हे सर्व करीत असल्याचा सूर मुस्लीम समाजातून ऐकायला मिळत आहे.

    गडकरी यांनी गेल्या 10 वर्षात मुस्लीम समाजातील किती युवकांना रोजगार मिळवून दिले असा प्रतिप्रश्न मुस्लीम समाजातील मतदार प्यारे खान यांना विचारत आहेत. सीएए आंदोलन, बिस्किस बानो प्रकरण, एनआरसी, माॅब लिंचींग यांसारख्या संवेदनशील मुद्यांवर गडकरींची भूमिका काय असा सवाल मुस्लीम मतदारांकडून विचारला जात आहे.

    सोशल मिडियावर विकास ठाकरेंची स्थिती मजबूत
    गडकरी यांच्या तुलनेत संसाधनांचा अभाव असला तरी विकास ठाकरे यांनी सोशल मिडियावरील वातावरण ढवळून काढले आहे. नागपूरच्या जनतेचे सवाल, मी दीक्षाभूमी बोलतेय, जवाब दो, रियालिटी चेक या मथळ्याखालील पोस्ट व विडियो मतदारांचे लक्ष वेधून घेत आहेत. एका झटक्यात वायरल होणार्‍या पोस्टमुळे ठाकरे तळागाळात पोहोचले आहेत. या उलट गडकरी यांच्या समर्थनार्थ सोशल मिडीयावरुन सुरु असलेला प्रचार हा काहीसा कृत्रिम व दिखावटी वाटत आहे. सोशल मिडीया इन्फ्लूएन्सर, आयटी सेल, माजी संपादक मंडळी, पगारी यंत्रणा गडकरींच्या दिमतीला असली तरी ठाकरेंच्या मोजक्या टीमने खासदारांच्या प्रचार यंत्रणेच्या नाकात दम आणला आहे.