Political Wazir

Tag: narayan rane

  • आणि त्या घटनेमुळे काँग्रेसमध्ये असतांना नारायण राणे यांनी पक्षश्रेष्ठींची माफी मागितली…

    मंडळी भारतीय जनता पक्षाचे जेष्ठ नेते आणि महाराष्ट्राचे माजी मुख्यमंत्री नारायण राणे हे शिवसेनेविरोधात बोलत असतांना कायम चर्चेमध्ये असतात. नारायण राणेंनी आधी शिवसेना नंतर काँग्रेस नंतर भाजप असे पक्ष बदलल्याने त्यांच्यावर नेटकऱ्यांकडून नेहमीच टीका होत असते.

    मात्र नारायण राणे यांचा त्यांच्या प्रत्येक पक्षातील प्रवास हा वादाच्या भोवऱ्यात अडकलेलाच राहला आहे. राणे यांनी मुंबई येथे नोकरीसाठी स्थायिक झाल्यानंतर शिवसेनेमध्ये प्रवेश घेतला.

    ओबीसींनो सावधान! राजकीय आरक्षणाचा फायदा नाही

    १९९१ साली छगन भुजबळ यांनी शिवसेना सोडल्यानंतर भुजबळांच्या जागेवर त्यांची विरोधीपक्षनेता म्हणून निवड करण्यात आली. त्यानंतर भाजप शिवसेना युतीच सरकार आल्यानंतर त्यांना महसूलमंत्री करण्यात आलं.

    १९९९ साली शिवसेना मुख्यमंत्री मनोहर जोशी यांना मुख्यमंत्री पदावरून काढण्यात आल्यानंतर राणेंना मुख्यमंत्री करण्यात आलं होतं. मात्र उध्दव ठाकरे राजकारणामध्ये सक्रिय झाल्यानंतर राणे आणि त्यांच्यामध्ये पटत नव्हतं.

    आणि त्या घटनेनंतर धनंजय मुंडे यांनी भाजपला रामराम ठोकला…

    २००४ साली महाबळेश्वर येथे पार पडलेल्या शिवसेनेच्या एका अधिवेशनामध्ये बाळासाहेब ठाकरे यांनी उध्दव ठाकरेंना आपला उत्तराधिकारी घोषित केल्याने त्यांची नाराजी आणखी वाढली.

    आणि अखेर त्यांनी २००५ साली शिवसेना सोडून भारतीय राष्ट्रीय काँग्रेसमध्ये प्रवेश घेतला. काँग्रेसमध्ये प्रवेश घेतल्यानंतर राणेंना मुख्यमंत्री पदाची अपेक्षा लागलेली होती.

    त्यांनी याबद्दल काँग्रेस पक्षश्रेष्ठींकडे आपली इच्छा व्यक्त केली होती. २००९ साली काँग्रेसच्या सरकारमध्येही त्यांना मुख्यमंत्री पदापासून दूर ठेवण्यात आलं. 

    पक्षश्रेष्ठींना मागितली माफी

    नारायण राणे यांना मुख्यमंत्री पदापासून दूर ठेवण्यात आल्या कारणाने त्यांची काँग्रेसबद्दल नाराजी आणखीच वाढली होती. ज्या विलासराव देशमुखांनी त्यांना काँग्रेसमध्ये आणलं. त्यांच्याच विरोधात राणेंनी वेगळा गट तयार केला.

    ही बाब पक्षश्रेष्ठींच्या लक्षात आल्यानंतर राणेंना पक्षातून निलंबित करण्याच ठरलं. मात्र या सगळ्या प्रकाराबद्दल राणेंनी काँग्रेसमधील सर्व पक्षश्रेष्ठींची माफी मागितली होती.

    तुम्ही हे ब्लॉग सुद्धा वाचू शकता.

    नवीन ब्लॉग वाचण्यासाठी आम्हाला फेसबुक वर फॉलो करा .

    Facebook : PoliticalWazir

  • १९९९ ला नारायण राणेंमुळे होऊ शकले नाही गोपीनाथ मुंडे मुख्यमंत्री

    मंडळी महाराष्ट्राच्या राजकीय इतिहासामध्ये शरद पवार यांनी राष्ट्रवादी काँग्रेसची स्थापना केल्यानंतर अनेक उलटफेर सम्पूर्ण महाराष्ट्राला दिसून आले. ज्याप्रमाणे २०१९च्या महाराष्ट्रातील विधानसभा निवडणुकीमध्ये महाराष्ट्राचा मुख्यमंत्री नेमण्यात विलंब झाला होता.

    त्याचप्रमाणे १९९९ सालच्या विधानसभा निवडणुकीमध्येसुद्धा मुख्यमंत्री नेमण्यात मोठ्या प्रमाणात वेळ झाला होता. तर मंडळी झालं असं की, १९९९ ला शरद पवार यांनी आपल्या स्वतंत्र राष्ट्रवादी काँग्रेस पक्षाची स्थापना केल्यानंतर विधानसभा निवडणुकीमध्ये काँग्रेस आणि राष्ट्रवादी काँग्रेस स्वतंत्र निवडणूक लढली होती.

    १९७८ च महाराष्ट्रातील ‘पुलोद’ सरकार आपल्याला माहिती आहे काय?

    या निवडणुकीमध्ये शिवसेनेला ६९, भाजपा ६५, काँग्रेस ७५ आणि राष्ट्रवादी काँग्रेसला ५८ जागा मिळाल्या होत्या. भाजपा आणि शिवसेना हे दोन्ही पक्ष मिळून सरकार स्थापन करणार होते. मात्र शिवसेना आणि भाजप या दोन्ही पक्षांच्या एकूण आमदारांची संख्या ही १३४ भरली आणि सरकार स्थापन करण्यासाठी आणखी ११ जागांची म्हणजे एकूण १४५ जागांची गरज होती.

    यावेळी शिवसेनेच सरकार स्थापन झाल असत. मात्र जेव्हा उध्दव ठाकरे यांनी शिवसेनेचा उमेदवारी वाटप केला तर १५ उमेदवारांना डावलण्यात आलं. तेव्हा त्या १५ उमेदवारांनी इतर पक्षांकडून किंवा अपक्ष निवडणूक लढवली. ज्यामध्ये ११ उमेदवार निवडून आले.

    गोपीनाथ मुंडे सामान्यांचा असामान्य नेता

    तेव्हा जर या उमेदवारांना उध्दव ठाकरे यांनी शिवसेनेची उमेदवारी दिली असती तर शिवसेनेला सरकार स्थापन करण्यात अडचण गेली नसती. 

    गोपीनाथ मुंडेच्या मुख्यमंत्री होण्याला राणेंची नाराजी 

    ज्या प्रमाणे शिवसेनेच सरकार स्थापन न होण्याला उध्दव ठाकरे जबाबदार होते. त्याचप्रमाणे गोपीनाथ मुंडे हे मुख्यमंत्री न होण्याला नारायण राणे जबाबदार होते. १९९९ ला शिवसेना आणि भाजप या दोन्ही पक्षांची सरकार स्थापन करण्याची तयारी झाल्यानंतर  भाजपचे जेष्ठ नेते गोपीनाथ मुंडे यांनी शिवसेना पक्षप्रमुख बाळासाहेब ठाकरे यांच्याकडे मुख्यमंत्री होण्याची ईच्छा व्यक्त केली.

    यावर बाळासाहेब ठाकरे यांनी नारायण राणे यांना त्यांचं मत विचारल्यानंतर नारायण राणे यांनी प्रत्यक्षपणे विरोध न करता म्हटलं की ” गोपीनाथ मुंडे मुख्यमंत्री होवो की न होवो मात्र मी त्यांच्या मंत्रिमंडळात काम करणार नाही.” अस सांगून नारायण राणे यांनी गोपीनाथ मुंडे यांच्या मुख्यमंत्री होण्याला अप्रत्यक्षपणे विरोध केला होता. हे नारायण यांनी आपल्या आत्मचरित्रातसुद्धा सांगितलं आहे.

    तुम्ही हे ब्लॉग सुद्धा वाचू शकता.

    नवीन ब्लॉग वाचण्यासाठी आम्हाला फेसबुक वर फॉलो करा .

    Facebook : PoliticalWazir

  • जो मंत्रालयात जाऊन बसत नाही तो मुख्यमंत्री कसला?- नारायण राणे

    मंडळी एकीकडे मनसे अध्यक्ष राज ठाकरे यांच्या औरंगाबाद येथील सभेची संपूर्ण महाराष्ट्रात चर्चा चालू आहे तर दुसरीकडे भाजपा नेते नारायण राणे आणि मुख्यमंत्री उध्दव ठाकरे यांच्यात चांगलाच राजकीय रणसंग्राम चालू आहे.

    महाराष्ट्रात चालू असलेली सामजिक, राजकीय आणि आर्थिक परिस्थिती सध्या चांगली नाही आणि यावर उध्दव ठाकरे सरकारच लक्ष नाही. अशी ठाम भूमिका भाजपा नेते यांनी मांडली आहे. नारायण राणे यांनी प्रसार माध्यमांशी बोलत असतांना मुख्यमंत्री उध्दव ठाकरे यांच्यावर बोचरी टीका केली आहे.

    शरद पवार एसटी कर्मचाऱ्यांचे २ हजार कोटी गिळंकृत करण्याच्या बेतात पडळकरांचा खुलासा

    ते म्हणाले की,

    ” राज्यातल्या लोकांना कायदा व सुव्यवस्थेच्या माध्यमातून रक्षण मिळावं. किती हत्या झाल्या, महिलांवर बलात्कार करून किती हत्या करण्यात आल्यात. दिशा सालीयानच उदाहरण आहे. सुशांत आणि दिशा सालीयान केसमध्ये मंत्रीसुद्धा आहेत. पूजा चव्हाण आणखी एक उदाहरण आहे. आज हत्या, दरोडे किती वाढत आहेत. त्याशिवाय विरोधकांवर खोटे गुन्हे दाखल करण्याच काम चालू आहे. राणा दाम्पत्य देशद्रोही आहे असा यांनी शोध लावला. नवाब मलिक दाऊदशी संबंध असून देशद्रोही नाही. १०० कोटी महिन्याला द्यायचे असे सांगणारे देशद्रोही नाही. तीर्थ यात्रेला गेले होते म्हणून त्यांना अटक केली असावी. म्हणून महाराष्ट्रातली परिस्थिती अत्यंत गंभीर आहे. जो व्यक्ती मंत्रालयात कधी बसत नाही तो मुख्यमंत्री कसा?”

    अशी खोचक टीका करत नारायण राणे यांनी मुख्यमंत्री उध्दव ठाकरे यांना चांगलच धारेवर धरल. 

    फोन टॅपिंग प्रकरणात फडणवीसांची निवासस्थानी चौकशी

    महाराष्ट्रात राष्ट्रपती राजवट लागली पाहिजे – नारायण राणे 

    नारायण राणे प्रसार माध्यमांशी बोलतांना पुढे म्हणाले की,

    ” उध्दव ठाकरे यांच कोरोना काळात शून्य काम आहे. मुख्यमंत्री म्हणूनसुद्धा त्यांचं काम शून्य आहे. आज महाराष्ट्राची परिस्थिती अत्यंत गंभीर झाली आहे. म्हणून महाराष्ट्रात राष्ट्रपती राजवट लागण गरजेचं आहे आणि प्रत्येक नागरिकाने याच स्वागत करावं.”

    अस नारायण राणे यांनी म्हटलं आहे. मात्र आता नारायण राणे यांच्या वक्तव्यावर मुख्यमंत्री उध्दव ठाकरे काय प्रतिक्रिया देतील यावर सर्वांचं लक्ष लागून आहे.

    तुम्ही हे ब्लॉग सुद्धा वाचू शकता.

    नवीन ब्लॉग वाचण्यासाठी आम्हाला फेसबुक वर फॉलो करा .

    Facebook : PoliticalWazir

  • सगळ्यांचे मुखवटे उतरवून जेलमध्ये पाठवणार- संजय राऊत

    सगळ्यांचे मुखवटे उतरवून जेलमध्ये पाठवणार- संजय राऊत

                 मंडळी काही दिवसांपूर्वी भारतीय जनता पक्षाचे नेते किरीट सोमय्या आणि संजय राऊत या दोघांमध्ये चांगलाच राजकीय वाद पेटला होता. किरीट सोमय्या यांनी मुख्यमंत्री उद्धव ठाकरे आणि शिवसेना खासदार व प्रवक्ते संजय राऊत यांच्यावर गंभीर आरोप करत टीका केली होती.
     
     
    त्यानंतर संजय राऊत यांनीसुद्धा शिवसेना भवनामध्ये पत्रकार परिषद घेऊन किरीट सोमय्या यांच्यावर प्रतिहल्ला केला. त्यानंतर आज आर्यन खानला एनसीबीच्या एसआयटीन क्लीनचिट दिल्यानंतर संजय राऊत यांनी किरीट सोमय्या व भारतीय जनता पक्षावर चांगलीच टीका केली आहे.
     
     
    प्रसार माध्यमांशी बोलत असतांना संजय राऊत म्हणाले की,
     
     
    ” पीएमसी घोटाळा, खंडणी यांसारखी अनेक प्रकरण आजपर्यंत दाबून ठेवण्यात आली होती. आता बरेच लोक समोर येऊ लागले आहेत. हळूहळू सर्वांना समजेल. ते जर निर्दोष आहेत, तर बाप-बेटे अटकपूर्व जामिनासाठी का धावपळ करत आहेत? जेव्हापासून मी सत्य समोर आणण्याचा प्रयत्न केला आहे, हे बाप-बेटे दारोदार या कोर्टामधून त्या कोर्टामध्ये अटकपूर्व जामिनासाठी धावाधाव करत आहेत. त्याची गरज तुम्हाला का पडतेय? यातच सगळं स्पष्ट होतंय. मी जे साडे तीन म्हणालो,  ते तुम्ही मोजत रहा.”
     
     
    अस संजय राऊत यांनी भारतीय जनता पक्ष आणि किरीट सोमय्या यांच्यावर टीका करत म्हटलं आहे.
     
     
                 पुढे बोलतांना संजय राऊत म्हणाले की,
     
     

    ” त्या साडेतीन लोकांची नाव जाहीर केली, तर ते अटकपूर्व जामिनासाठी जातात. जसजशी त्यांना अटक होईल, तसतस तुम्हाला समजेल. पण माझे शब्द लिहून ठेवा, हे बाप-बेटे आणि इतरही काही लोक, जे मोठंमोठ्या गप्पा करतात, त्या सर्वांचे मुखवटे उतरवून त्यांना मी तुरुंगात टाकणार आहे.”

     
     
     
    अस संजय राऊत यांनी प्रसार माध्यमांशी बोलत असतांना सांगितल. संजय राऊत हे महाराष्ट्रातील राजकारणामध्ये गेल्या काही महिन्यांपासून सर्वात जास्त चर्चेत आलेलं नाव आहे. भारतीय जनता पक्षाशी त्यांची फारशी गटत नाही. मात्र आता केलेल्या विधानांनातर किरीट सोमय्या आणि भारतीय जनता पक्ष संजय राऊत यांच्या विधानावर काय प्रतिक्रिया देतील यावर सर्वांचं लक्ष लागून आहे.