Tag: national congress party

                   मंडळी राजकीय क्षेत्र हे केव्हा भारतीय देशामध्ये धार्मिक वातावरणात परिवर्तित व्हायला लागलं याकडे कुठल्याही नेत्याने लक्ष दिलं नाही. मात्र ते आणखी धार्मिकरीत्या कशाप्रकारे रंगवता येईल यावरच राजकीय नेत्यांचा हल्ली भर दिसून आलेला आहे.

                 देशात सद्ध्या ५ राज्यांच्या निवडणुकांसाठी राजकीय पक्षांचा प्रचार चालू आहे. त्यानंतर आता १४ फेब्रुवारीपासून दुसऱ्या टप्प्यासाठी मतदान होणार असून त्यासोबतच इतर चार राज्यांमध्येसुद्धा प्रचार शिगेला पोहोचला आहे. उत्तरप्रदेशमध्ये चालू असलेलं निवडणूकीच वातावरण चांगलाच तापलं आहे.

                 उत्तर प्रदेशमध्ये चालू असलेल्या निवडणूकीच्या प्रचारभाषणामध्ये उत्तर प्रदेश मुख्यमंत्री योगी आदित्यनाथ यांनी राष्ट्रीय काँग्रेस पक्षावर कडाडून टीका केली आहे. प्रचार भाषणात बोलत असतांना त्यांनी राहुल गांधीवर टीका करत काँग्रेसवर चांगलाच हल्लाबोल केला. 

काय बोलले होते राहुल गांधी? 

         मंडळी उत्तरप्रदेशमध्ये चालू असलेल्या निवडणूकांच वातावरण राजकीय दृष्ट्या अधिकच तापलं होत. राहुल गांधींनी काही दिवसांअगोदर भारतीय जनता पक्षावर निशाणा साधत हिंदू आणि हिंदुत्व यातील फरक भाषणामधून व्यक्त केला होता.

         मात्र राहुल गांधींच्या या भाषणानंतर भारतीय जनता पक्षाने त्यांचा चांगलाच विरोध केला होता. संपूर्ण भारतीय देशातून भारतीय जनता पक्षातील नेत्यांनी प्रतिउत्तर देऊन राहुल गांधी यांची टीका केली होती. राहुल गांधींचा हाच मुद्दा योगी आदित्यनाथ यांनी उत्तर प्रदेशमधील निवडणूकांमध्ये उचलून धरला आहे.

           भारतीय जनता पक्षाच्या प्रचार भाषणात काँग्रेस पक्षाचे नेते राहुल गांधींवर टीका करत योगी आदित्यनाथ यांनी म्हटले की,

” काँग्रेस पक्षाने आम्हाला हिंदू आणि हिंदुत्व यातला फरक समजावून देण्याची गरज नाही.”

अस ते म्हणाले. आता उत्तर प्रदेशातील निवडणूकांमध्ये या वक्तव्याचा किती प्रभाव पडतो, हे येणारी वेळच ठरवेल. मात्र राहुल गांधी व राष्ट्रीय काँग्रेस पक्ष याविषयी कोणती भूमिका घेईल हे अध्यापही स्पष्ट झालेलं नाही.