मंडळी छत्रपती शिवाजी महाराज ही महाराष्ट्रातील जनतेची अस्मिता तर संपूर्ण जगाच प्रेरणास्थान आहे. त्यांनी केव्हाच तिथी, पंचांग यावर विश्वास केला नाही, तर मनगटाच्या जोरावर स्वराज्य निर्माण केलं. मात्र काही ब्राम्हणी विचारसरणीचे लोक छत्रपती शिवरायांच्या पराक्रमाला चमत्कार दाखवून त्यांचं दैविकरण करण्याचं काम वर्षनुवर्षे झाले करत आहे.
शिवरायांचा तिथीनुसार शिवजयंतीचा वाद कालसुद्धा नेहमीप्रमाणे उफाळून आला. शिवरायांची जयंती तिथीनुसार साजरी करणाऱ्या मनसे पक्षातील नेते अमेय खोपकर आणि पुरोगामी विचारसरणीचे राष्ट्रवादीचे आमदार अमोल मिटकरी यांच्यात चांगलीच वादावादी झाली.
यावेळी त्यांनी एकमेकांची अक्कल काढली होती. अमोल मिटकरी यांनी शिवजयंती ही १९ फेब्रुवारीलाच साजरी झाली पाहिजे अशी भूमिका मांडली होती. यामध्ये मतदानाचा राजकारण दिसतय असंही ते म्हणाले होते. यावर अमेय खोपकरांनी
“आपण दरवर्षी दिवाळी, गणपती , हिंदू धर्माचे सण साजरे करतो ते तारखेनुसार साजरे करत नाही. महाराष्ट्रातील नाही, देशातील नाही, जगातील सर्व लोकांसाठी छत्रपती शिवाजी महाराज जयंती हा एक सण आहे.”
अस ते म्हणाले. मात्र अमोल मिटकरी यांनी अमेय खोपकर यांना चांगलाच चोप दिला.
वृत्तवाहिन्यांवर सुरू झालेली मिटकरी आणि खोपकर यांच्यामधली ही लढाई ट्विटरवर पाहायला मिळाली. अमेय खोपकर यांनी मिटकरी यांना टोला देत ट्विट केलं की,
” अशा राष्ट्रवादीच्या आमदारांना भर चौकात फटके हाणले पाहिजे.”
यावर अमोल मिटकरी यांनीसुद्धा प्रतिउत्तर देऊन ट्विट करतांना खोपकर यांना चांगलाच दम दिला आहे. ते म्हणाले की,
अमोल मिटकरी यांनी खोपकर यांना दिलेला हा टोला चांगलाच चर्चेत आहे. मात्र तिथीनुसार शिवजयंतीचा पेटलेला हा वाद आता कुठल्या थराला जातो. यावर सर्वांचं लक्ष लागून आहे.
मंडळी छत्रपती शिवाजी महाराजांच्या तिथीनुसार शिवजयंतीचा वाद काही नवीन नाही. ब्राम्हणी विचारधारेचे लोक शिवरायांची जयंती हे तिथीनुसार साजरी करत असतात. तर १९ फेब्रुवारीला शिवरायांची खरी शिवजयंती महात्मा फुले यांनी सुरू केली होती. मात्र शिवरायांच्या जयंतीचा वाद हा आता विधिमंडळात पण उफाळून आला आहे.
मुख्यमंत्री उद्धव ठाकरे यांनी छत्रपती शिवाजी महाराजांच्या मूर्तीला वंदन केल्याने सुधीर मुनगंटीवार यांनी विधानसभेत मुद्दा उपस्थित केला. सरकारची नेमकी भूमिका काय आहे. अशी विचारणा करत त्यांनी मुख्यमंत्री साजरी करत असतील तर सरकार म्हणूनही आज शिवजयंती साजरी करण्याचा आदेश द्या अशी मागणी त्यांनी केली.
मुनगंटीवार म्हणाले की,
” आज छत्रपती शिवाजी महाराजांची तिथीनुसार शिवजयंती असून मुख्यमंत्री स्वतः एका कार्यक्रमात गेले आहेत. मुख्यमंत्री आणि शिवसेना नेते तिथीनुसार शिवजयंती साजरी करत आहेत. राज्य सरकारची नेमकी भूमिका काय?”
अशी विचारणा सुधीर मुनगंटीवार यांनी केली. यावर विधिमंडळातील वातावरण चांगलच तापलं होत.
मुनगंटीवारांना अजित पवारांचं उत्तर
महाराष्ट्रामध्ये छत्रपती शिवाजी महाराजांच्या जयंतीचा वाद थेट विधिमंडळात पोहचल्यानंतर अजित पवार यांनी सुधीर मुनगंटीवार यांना चांगलच प्रतिउत्तर दिल आहे. अजित पवार यांनी जवाब देतांना म्हटलं की,
” सरकारच्या वतीने १९ फेब्रुवारीला शिवजयंती साजरी केली जाते. राज्याचे मुख्यमंत्री शिवसेना पक्षप्रमुख म्हणून तिथे गेले आहेत. स्वर्गीय बाळासाहेब ठाकरे होते तेव्हापासून शिवसेना तिथीनुसार शिवजयंती साजरी करत आली आहे. आम्हीदेखील सरकारमध्ये असताना तारखेप्रमाणे साजरे करायचो. शिवसेना, राष्ट्रवादी, काँग्रेस, सपा, भाजपा कोणत्याही पक्षाच्या सदस्याला तिथीप्रमाणे शिवजयंती साजरी करायची असेल तर महाराजांच्या पुतळ्याला जाऊन अभिवादन करू शकतात. कारण नसतांना वेगळी चर्चा नको. सरकारी अधिकाऱ्याला १९ फेब्रुवारीला सरकारी सुट्टी देतो त्याप्रमाणे ते साजरी करतात. आज सुट्टी नसून काम सुरू आहे. अशी अजित पवारांनी विधिमंडळात प्रतिक्रिया सुधीर मुनगंटीवार यांना दिली. आता हा शिवजयंतीचा चिघळलेला वाद कुठल्या वळणावर जाईल यावर सर्वांचं लक्ष लागून आहे.
