मंडळी महाराष्ट्रातील राजकीय क्षेत्रात सध्या मोठ्या प्रमाणात गदारोळ चाललाय. एकीकडे सर्वपक्षीय आमदारांना कायमस्वरूपी मोफत घर देण्याच्या सरकारच्या निर्णयावरून संपूर्ण महाराष्ट्रातून सरकारची टीका होत आहे. तर दुसरीकडे केंद्र सरकार महाविकास आघाडी सरकारच्या नेत्यांवर ईडीची चौकशी लादण्यात व्यस्त झालं आहे.
मुख्यमंत्री उद्धव ठाकरे यांनी शुक्रवारी अर्थसंकल्पीय अधिवेशनाच्या शेवटच्या दिवशी भाजप आणि देवेंद्र फडणवीस यांच्यावर चौफेर हल्ला चढवला. विरोधी पक्षीय नेत्यांच्या मालमत्तांवर छापे टाकणारी ‘ ईडी ‘ आहे की तुमचा घरगडी, असा सवालही उद्धव ठाकरे यांनी आपल्या भाषणामध्ये केला.
सक्तवसुली संचालनायलाने मुख्यमंत्री उध्दव ठाकरे यांचे मेहुणे श्रीधर पाटणकर यांच्या श्री साईबाबा गृहनिर्मिती कंपनीवर मंगळवारी कारवाई केली. त्यानंतर पहिल्यांदाच मुख्यमंत्री बोलत होते. मुखमंत्र्यांनी वाटल्यास मला तुरुंगात टाका पण १९९२ च्या दंगलीच्या वेळी मुंबईला वाचविणाऱ्या शिवसैनिकांना त्रास देऊ नका, असे आवाहनही भाजपला दिले आहे.
मंडळी ईडीची छाप फक्त महाविकास आघाडीच्या नेत्यांच्या मालमत्तेवरच पडत असते का? हा सर्वात मोठा प्रश्न आहे. कारण जनतेचे प्रश्न सोडून केंद्र सरकार हे भारतीय देशातील तमाम जनतेला फसवण्याचा प्रयत्न करत आहे. या देशामध्ये अनेक प्रश्न केंद्र सरकारला सोडवण्यासाठी आहे. मात्र त्या सर्व बाबींवर त्यांचं केव्हाच लक्ष जात नाही.
एकीकडे पेट्रोल, डिझेल आणि एल.पी.जी. सिलेंडरचे भाव वाढवून केंद्र सरकार निवांत बसल आहे. तर दुसरीकडे अशा मुद्द्यांवर भारतातील जनतेच लक्ष जाऊ नये. यासाठी ते हिंदू मुस्लिम, ईडी लावणे या सर्व गोष्टी करत असत. म्हणून भारतीय देशातील प्रत्येक व्यक्तीन आता सतर्क रहायची वेळ आली आहे
मंडळी उत्तर प्रदेश, उत्तराखंड , गोवा आणि मणिपूरमध्ये झालेल्या विधानसभा निवडणुकीत भारतीय जनता पक्षाने मोठ्या प्रमाणात विजय मिळवल्यानंतर महाराष्ट्रामध्ये राजकीय वातावरण व्यस्त झालंय. महाविकास आघाडी सरकार आणि भारतीय जनता पक्षाच्या नेत्यांमध्ये चांगलीच वादावादी सुरू झालीय.
त्याचबरोबर त्यांनी एकमेकांवर वक्तव्य करून राजकीय खेळ खेळायला सुरवात केली आहे. निवडणुकीचा निकाल जाहीर झाल्यानंतर दुसऱ्याच दिवशी राष्ट्रवादी काँग्रेसचे अध्यक्ष शरद पवारआणि महाराष्ट्राचे मुख्यमंत्री उद्धव ठाकरे यांच्यात बैठक झाली.
त्यामुळे आता महाराष्ट्रातील राजकारणात कोणत्या घडामोडी घडणार याकडे राज्याच लक्ष लागून आहे. तर दुसरीकडे राज्याचे माजी मुख्यमंत्री व विरोधीपक्षनेते देवेंद्र फडणवीस यांनी राज्यपाल यांची भेट घेतली. भारतीय जनता पक्षाच्या चार राज्यांमध्ये झालेल्या विजयानंतर महाराष्ट्रातील राजकारणात मोठा ट्विस्ट आला आहे.
भाजपच्या विजयानंतर महाविकास आघाडी सरकार व महाराष्ट्रातील भारतीय जनता पक्षामध्ये राजकीय नेते एकमेकांच्या भेटीगाठी घेऊन बैठका करत आहेत. ठाकरे यांच्या नेतृत्वाखाली शिवसेना आणि राष्ट्रवादी काँग्रेसने गोवा विधानसभा निवडणूक लढवल्यानंतर त्यांना एकही जागा जिंकता आली नाही.
महाराष्ट्रातील शिवसेना, राष्ट्रवादी, काँग्रेस सरकार भारतीय जनता पक्षाच्या नेत्यांना खोट्या खटल्यांमध्ये अडकवण्याचा प्रयत्न करत असल्याचा आरोप देवेंद्र फडणवीस यांनी केल्यानंतर शरद पवार यांनी उद्धव ठाकरे यांच्या ‘वर्षा’ या निवासस्थानी भेट देऊन मुख्यमंत्री उध्दव ठाकरेंशी चर्चा केली.
ओबीसी आरक्षणाच्या वादामुळे महाराष्ट्रातील महानगरपालिका निवडणुका ह्या पुढे ढकलल्या कारणाने राजकीय गदारोळ माजला आहे.
भारतीय जनता पक्षाच्या नेत्यांनी विधान केलं होतं की,
” ये तो सिर्फ झाकी है।”
तेव्हा राष्ट्रवादी काँग्रेस पक्षाचे अध्यक्ष शरद पवार यांनी प्रतिउत्तर देतांना म्हटलं की,
“महाराष्ट्रा भी तैयार है।”
मात्र महाराष्ट्रातील महानगरपालिका निवडणुकीच काय चित्र असेल यावर सर्वांचं लक्ष लागून आहे.
