मंडळी विरोधी पक्षनेते आणि माझी मुख्यमंत्री देवेंद्र फडणवीस यांनी राज्यसरकारवर महाराष्ट्रातील शेतकऱ्यांच्या मुद्द्यावरून चांगलीच टीका केली आहे. अधिवेशनाच्या पूर्वसंध्येला पत्रकार परिषद घेऊन फडणविसांनी राजशासणावर निशाणा साधला आहे. बऱ्याच काळानंतर मोठं अधिवेशन मिळालं असल्याचा उल्लेख यावेळी फडणवीसांनी केला.
” आम्हाला चर्चा करण्यात रस आहे. अनेक दिवसानंतर १७ ते १८ दिवस चालणार अधिवेशन आम्हाला मिळालं आहे. राज्याच्या जनतेचे प्रश्न तिथे मांडले गेले पाहिजेत. पण चर्चा झाली पाहिजे ही सरकारी पक्षाचीही जबाबदारी आहे. नाहीतर ओबीसींच्या मुद्द्यावर बोललं, तर १२ लोकांना निलंबित केलं.विद्यापीठाच विधेयक विरोधकांची मुस्कटबाजी करून काढण्यात आलं. लोकशाही पायदळी तुडवली.”
अशी टीका फडणवीस यांनी राज्यशासणावर केली आहे.
सरकार शेतकऱ्यांची फसवणूक करत आहे- फडणवीस
मंडळी विरोधीपक्षनेते देवेंद्र फडणवीस हे नेहमीच आपल्या विधानांमधून राज्यसरकारवर टीका करत असतात. अधिवेशनाच्या पूर्वसंध्येला पत्रकार परिषदेत बोलत असतांना फडणवीस म्हणाले की,
” राज्यातला शेतकरी हवालदिल झाला आहे. विजेचे कनेक्शन कापण्याच काम सरकारने सुरू केलं आहे. राज्याचे उपमुख्यमंत्री अजित पवार यांच्या शब्दाला कुठलीही किंमत राहलेली नाही.मागच्याच्या मागच्या अधिवेशनात त्यांनी पहिल्या दिवशी संगितल, वीज कनेक्शन कापण बंद, शेवटच्या दिवशी सांगितल सुरू. मागच्या अधिवेशनात ते म्हणाले, तेव्हा मी चुकीचं बोललो होतो, आता ठामपणे सांगतो की वीज कनेक्शन कापणार नाही. पण आत स्पर्धा लागल्यासारखे शेतकऱ्यांचे वीज कनेक्शन कापल्या जात आहे. गेली दोन वर्षे आस्मानी संकट आणि आता सुलतानी संकट शेतकऱ्याला झेलाव लागत आहे. यावर सरकारला आम्ही जाब विचारणार आहोत.”
अस ते पत्रकार परिषदेदरम्यान म्हणाले. मात्र यावर आता उपमुख्यमंत्री अजित पवार यांची काय प्रतिक्रिया येईल. यावर सर्वांचं लक्ष लागून आहे.
