पिंपरी-चिंचवड शहराचा मध्यवर्ती आणि व्यापाराचे मुख्य केंद्र असलेला प्रभाग २१ आज अनेक गंभीर समस्यांना तोंड देत आहे. पिंपरी गाव आणि कॅम्प परिसरातील नागरीकरण वेगाने झाले असले, तरी अनेक मोठे प्रकल्प दशकांपासून रखडलेले आहेत.
१. पॉलिटिकल वझीरच्या मते : मतदारांची आकडेवारी
एकूण मतदार: ५४,९९०.
मतदार विभागणी: २८,०७१ पुरुष आणि २६,९१६ महिला मतदार.
प्रभागाचे आरक्षण: २१-अ (अनुसूचित जाती महिला), २१-ब (इतर मागासवर्गीय), २१-क (महिला) आणि २१-ड (खुला गट).
२.या प्रभागातील प्रमुख भाग:-
या प्रभागात प्रामुख्याने पिंपरी गाव, मिलिंदनगर, जिजामाता रुग्णालय परिसर आणि वैभव नगर या भागांचा समावेश होतो.
३. ग्राऊंड रिपोर्ट: “समस्यांनी ठोकले ठाण!
पॉलिटिकल वझीरच्या रिपोर्टनुसार, या प्रभागात खालील प्रमुख समस्या आ वासून उभ्या आहेत:
डेअरी फार्म पुलाचा ‘वनवास’: पिंपरीला मुख्य महामार्गाशी जोडणाऱ्या डेअरी फार्म रेल्वे उड्डाणपुलाचे काम गेल्या दीड वर्षांपासून संथ गतीने सुरू आहे. ७० टक्के काम पूर्ण झाल्याचा दावा असला तरी नागरिकांना अद्याप प्रतीक्षाच आहे.
डीपी रस्ते रखडले: पिंपरी गावातील पॉवर हाऊस ते तपोवन मंदिर दरम्यानचा १२ मीटर रुंद नियोजित रस्ता आजही कागदावरच आहे.
पूर आणि अस्वच्छता: पावसाळ्यात पवना नदीचे पाणी लगतच्या वस्त्यांमध्ये शिरते, ज्यामुळे नागरिकांचे प्रचंड नुकसान होते. सांडपाणी वाहिनी (ड्रेनेज) आणि कचरा व्यवस्थापन कोलमडल्याने दुर्गंधीचा त्रास वाढला आहे.
मोकाट जनावरांचा हैदोस: पिंपरी गावात रस्त्यावर फिरणाऱ्या मोकाट जनावरांमुळे वाहतुकीला अडथळा होतो आणि अपघातांचे प्रमाण वाढले आहे.
४. विकासाचा आढावा: प्रभाग २१
मार्गी लागलेली कामे :-
- पिंपरी गाव ते पिंपळे सौदागर दरम्यान नवीन रस्त्याचे काँक्रीटीकरण.
- पवना नदीवर नवीन पुलाची निर्मिती आणि नवीन जलकुंभाचे काम.
- मिलिंदनगर येथील सांडपाणी विलगीकरण केंद्राचे काम सुरू.
रखडलेली कामे:-
- डेअरी फार्म रेल्वे उड्डाणपुलाचे उर्वरित काम.
- अंतर्गत रस्त्यांचे रुंदीकरण आणि ड्रेनेज लाईनचे नूतनीकरण.
- पिंपरी गावातील पार्किंग स्टेशन आणि स्मशानभूमीची जागा हस्तांतरण.
५. विश्लेषण प्रभाग २१:-
बळ:- शहराच्या मध्यवर्ती ठिकाणी असल्याने व्यापाराची मोठी संधी.
उणिवा:- मोकाट जनावरांचा प्रश्न, अपुरा पाणीपुरवठा आणि रखडलेले डीपी रस्ते.
संधी:- डेअरी फार्म पूल पूर्ण झाल्यास वाहतुकीचा मोठा प्रश्न सुटेल आणि मतदारांचा विश्वास संपादन करता येईल.
धोका:- पावसाळ्यात नदीकाठच्या वस्त्यांमध्ये पाणी शिरल्याने होणारी जीवित व वित्तहानी.
पॉलिटिकल वझीरच्या सूचना:-
प्रभाग २१ मध्ये विजय मिळवण्यासाठी केवळ जुन्या कामांचे मार्केटिंग करून चालणार नाही. जो उमेदवार डेअरी फार्म पूल तातडीने खुला करण्याची आणि नदीकाठच्या सुरक्षेसाठी भिंत बांधण्याची हमी देईल, पिंपरीची जनता त्यालाच कौल देईल.