Political Wazir

Author: admin

माझी चुक सुधारण्यासाठी पुढील तीन दिवस उपवास करुन प्रायश्चित करणार आहे. भगवान जगन्नाथ यांच्या बदल केलेल्या विधानावर संबित पात्रा यांचे स्पष्टीकरण.

माझी चुक सुधारण्यासाठी पुढील तीन दिवस उपवास करुन प्रायश्चित करणार आहे.

भगवान जगन्नाथ यांच्या बदल केलेल्या विधानावर संबित पात्रा यांचे स्पष्टीकरण.

२० मे २०२४ रोजी पंतप्रधान नरेंद्र मोदी यांनी ओडीसा मधील पुरी इथे भाजप चे उमेदवार संबित पात्रा यांच्या प्रचारासाठी एक रोड-शो केला होता. या रोड शो नंतर पत्रकारासोबत बोलताना संबित पात्रा यांनी

“भगवान श्री.जगन्नाथ हे पंतप्रधान नरेंद्र मोदींचे भक्त आहेत”

असे विधान केले होते. या विधाना वरुन पात्रा विरोधकांच्या घेरावात सापडले होते.विरोधकांच्या टिके सोबतच पात्रा यांच्या विधानाला सामान्य लोकांनी सुध्दा विरोध दर्शवला होता आणि समाज माध्यमा वर लोक संबित पात्रा यांच्या वक्तव्या वर नाराजी व्यक्त करत होते.

केवळ ओडिशाच नाही तर संपूर्ण देशातील लोक भगवान जगन्नाथाची पूजा करतात. करोडो लोकांची त्याच्यावर श्रद्धा आहे. भगवान जगन्नाथ यांना राजकारणात ओढू नका, असे ओडिशाचे मुख्यमंत्री नवीन पटनायक यांनी भाजपाला उद्देशून म्हटले होते. जगभरातील करोडो जगन्नाथ भक्त आणि उडिया लोकाच्या श्रद्धेला धक्का बसल्याचेही त्यांनी म्हटले होते. नवीन पटनायक यांच्या ‌ट्विटवर संबित पात्रा यांनीही स्पष्टीकरण दिले.

“आपली सर्वजण बोलताना कधी ना कधी चुकतो. पंतप्रधान नरेंद्र मोदीजींच्या पुरीतील रोड शोला मिळालेल्या प्रचंड यशानंतर मी अनेक मीडिया चॅनेल्सना बाईट्स दिल्या त्यात सर्व ठिकाणी मी मोदीजी श्री जगन्नाथ महाप्रभूचे महान भक्त असल्याचा उल्लेख केला. मात्र चुकून मी एका ठिकाण याच्या उलट बोललो. तुम्हालाही हे माहीत आहे आणि समजले आहे, हे मला माहीत आहे. त्यामुळे कृपया याचा मुद्दा बनवू नये.”

संबित पात्रानी त्यांच्या विधानावर स्पष्टीकरण देत संबित पात्रा यांनी पंतप्रधान हे भगवान जगन्नाथ यांचे कट्टर भक्त आहेत. आसे बोलताना चुकून भगवान श्री.जगन्नाथ हे पंतप्रधान नरेंद्र मोदींचे भक्त आहेत असे विधान माझ्या कडून बोलले गेले.या विधानामूळे मि स्वत: खुप दुखी झाले आहे.

भगवान श्री.जगन्नाथ यांच्या बदलच्या चूकीच्या विधानाचा पश्चात्ताप करुन भगवान श्री.जगन्नाथ यांच्या चरणी नतमस्तक होऊन क्षमा मागतो.आणि माझी चुक सुधारण्यासाठी पुढील तीन दिवस उपवास करुन प्रायश्चित करणार आहे. असे स्पष्टीकरण संबित पात्रा यांनी आपल्या समाज माध्यावर एक विडीओ पोस्ट करुन दिले आहे.

May 22, 2024
अरविंद केजरीवाल यांना तात्पुरता दिलासा; दारुविक्री धोरण (Liquor policy) घोटाळ्याची चौकशी चालूच

अरविंद केजरीवाल यांना तात्पुरता दिलासा; दारुविक्री धोरण (Liquor policy) घोटाळ्याची चौकशी चालूच…

अरविंद केजरीवाल यांना अटक का झाली आणि आरोप कोणते या बद्दल सविस्तर माहिती.

दिल्लीचे मुख्यमंत्री अरविंद केजरीवाल यांना अंतरिम जामिन मिळाली आहे. त्याना दारुविक्री धोरण (Liquor policy) घोटाळ्याच्या प्रकरणी २१ मार्चला अटक करण्यात आले होते. लोकसभा निडणूकीसाठी केजरीवाल यांना जामीन मिळावी अशी विनंती आम आदमी पार्टी कडुन न्यायालयाला केली गेली होती. पण जामिन मिळत नव्हती. परंतू न्यायालयानी लोकसभा निवडणूक लक्षात घेवून १ जुन पर्यंत केजरीवाल यांना अंतरिम जामिन मंजूर केली आहे. आणि मुख्यमंत्रिपदावरून हटवण्याची मागणी करणारी याचिकाही फेटाळून लावली आहे. त्यामुळे दिल्लीच्या मुख्यमंत्रीपदी अरविंद केजरीवाल हेच राहणार असल्याचं आता स्पष्ट झाले आहे.

अरविंद केजरीवाल यांना अटक केल्यानंतर दारुविक्री घोटाळा नेमका काय आहे? असा प्रश्न अनेकांच्या मनात निर्माण झालाय. दिल्ली सरकारने 17 नोव्हेंबर 2021 ला राजधाणीत दारुविक्रीबाबत नवीन धोरण लागू केलं. या नव्या धोरणानुसार राज्यात 32 झोन बनवण्यात आले, आणि प्रत्येक झोनमध्ये जास्तीत जास्त 27 दुकानं उघडण्याची परवानगी देण्यात आली. या अनुषंगाने एकूण 849 दुकानं उघडणार होती. या नव्या धोरणानुसार दिल्लीतील सर्व दारुची दुकानं खासगी करण्यात आली होती. त्याआधी 60 टक्के दुकानं हे सरकारी होती तर 40 टक्के दारुची दुकाने प्रायव्हेट(खाजगी) होती. पण नव्या दारुविक्री धोरणामुळे 100 टक्के दुकानं ही प्रायव्हेट झाली. या नव्या धोरणामुळे सरकारला 3500 कोटी रुपयांचा फायदा झाला, असा दावा सरकारने केला.

विशेष म्हणजे सरकारने दारुविक्रीच्या परावानासाठी लागणारी फी (शुल्क) देखील वाढवली. ज्या विक्रेत्याला एल-1 परवाना हवा त्याला आधी 25 लाख रुपये द्यावे लागायचे. पण नव्या धोरणानुसार ठेकेदाराला तब्बल 5 कोटी रुपये द्यावे लागले. तसेच इतर प्रकारच्या कॅटेगीरीच्या परवानासाठी देखील फी वाढवण्यात आली.

त्याचा फटका छोट्या दुकानदारांना मोठा बसला. फी वाढल्यामुळे छोटे दारुविक्रेते तितके पैसे भरु शकले नाहीत. त्यामुळे त्याचा थेट फायदा मोठ्या गडगंज संपत्ती असणाऱ्या दारुविक्रेत्यांना झाला. मोठे दारुविक्रेत्यांनाच परवाना मिळू लागला . त्यामुळे या मोठ्या दारुविक्रेत्यांनी परवाना मिळावा यासाठी आम आदमी पक्षाच्या नेत्यांना आणि अधिकाऱ्यांना मोठी रक्कम लाच म्हणून दिली असा आरोप विरोधकांकडून केला जात होता.

अशातच ED ने दारुविक्री धोरण घोटाळ्याप्रकरणी आतापर्यंत आम आदमी पक्षाच्या काही नेत्यांना अटक केले आहे. यामध्ये आपचे नेते, दिल्लीचे माजी उपमुख्यमंत्री मनीष सिसोदिया हे अद्यापही तुरुंगात आहेत. खासदार संजय सिंह यांच्यावरही कारवाई झालेली आहे. तसेच बीआरएसच्या नेत्या के.कविता यांनाही या प्रकरणात अटक झाली असून त्याही तुरुंगात आहेत.

काही दिवसांपूर्वी मुख्यमंत्री अरविंद केजरीवाल यांनाही अटक झाली. सध्या ते अंतरिम जामीनावर बाहेर आहेत. मात्र, दिल्ली मद्य धोरण घोटाळा प्रकरणात मोठा गैरव्यवहार झाल्याचा आरोप असून यातील काही पैसे गोवा विधानसभेच्या निवडणुकीत वापरले असल्याचा आरोप आहे. या सर्व प्रकरणाचा तपास सध्या ईडीकडून सुरू आहे. तर हे सर्व आरोप आम आदमी पक्षाच्यावतीने फेटाळून लावण्यात आलेले आहेत.

May 22, 2024
सरकार अल्पमतात असले तरी हरियाणा मध्ये पुढील सहा महिने भाजपाचं सत्तेत राहाणार..!

लोकसभेच्या निवडणुका चांगल्याच रंगल्या आहेत. अशातच हरियाणातील भाजप सरकार अल्पमतात आले आहे. अशा बातम्या पुढे येत आहेत.

हरियाणात एक महिना आधिच भाजपा जेजेपी सरकार पाडुन भाजपने अपक्षाच्या मदतीने सरकार स्थापन केले होते. मात्र महिनाभरातच भाजपा सरकार धोक्यात आले आहे. भाजपा सोबत असलेल्या तीन अपक्षांनी भाजपाचा पाठींबा काडुन घेतल्याने सरकार अल्पमतात आले, असे बोलले जात आहे.

शेतकर्यांचे प्रश्न, महागाई, बेरोजगारी आणि इतर समस्यांमुळे पाठिंबा काढून घेतल्याचं या नेत्यांनी सांगीतले आहे. याचा फायदा घेत भूपेंद्र सिंह हुड्डा यांनी राज्यात राष्ट्रपती राजवट लागू करण्याची मागणी केली आहे.

सोमवीर सांगवान, रणधीर गोलन, धरमपाल गोंदर यांनी रोहतक येथे हरियाणाचे माजी मुख्यमंत्री आणि विरोधी पक्षनेते भूपेंद्र सिंह हुड्डा यांच्या उपस्थित पत्रकार परिषद घेवून पाठिंबा काढून घेतल्याची माहिती दिली. आणि लोकसभा निवडणुकीत काँग्रसचे समर्थन करणार असल्याचे स्पष्ट केले आहे.

हरियाणात विधानसभेच्या एकूण ९० जागा आहेत. बहुमत मिळवण्यासाठी ४६ जागा असणे आवश्यक आहे.

परंतु हरियाणाचे माजी मुख्यमंत्री मनोहरलाल खट्टर आणि INLD चे अभय चौटाला लोकसभा लढवत असल्याने आमदारकीचा राजीनामा दिला आहे. त्यामुळे विधानसभेच्या एकूण ९० सदस्य संख्या, ८८ झाली आहे आणि बहुमतासाठी ४५ सदस्याची गरज आहे.

परंतु भाजपाकडे सद्या ४३ सदस्य आहेत. यात भाजपाचे ३८ हरियाणा लोकहित पार्टीचा १ आणि ४ अपक्षांचा पाठिंबा आहे. बहुमताचा आकडा ४५ आहे आणि भाजपा कडे ४३ सदस्य आसल्याने बहुमत नसल्याचे स्पष्ट होते.

काँग्रसकडे विधानसभेत ३१ जागा आहेत. तीन अपक्ष आमदारांनी पाठींबा दिला आहे, असे काँग्रसकडे ३४ सदस्य आहेत. म्हणजे दोन्ही मोठ्या पक्षाकडे बहुमत नाही. म्हणुनच काँग्रसने राष्ट्रपती राजवटीची मागणी केली आहे.

परंतु देशभरात लोकसभा निवडणुक चालु असल्याने विधानसभा सत्र बोलावले जावू शकत नाही. त्यामुळे ४ जुन नंतरच विधानसभा सत्र बोलावले जावू शकते.

त्यामुळे ४ जुन पर्यंत भाजपला बहुमत सिद्ध करण्याची गरज नाही. परंतु ४ जुन नंतर विरोधी पक्ष भाजपाला बहुमत सिद्ध करण्याची मागणी करु शकते. मात्र हरियाणात १३ मार्चला (२०२४) विश्वास दर्शक ठराव मांडण्यात आला होता.

त्यामुळे पुन्हा ६ महिने विश्वास दर्शक ठराव मांडता येत नाही. म्हणजे भाजपा सरकारला धोका नसल्याचे दिसुन येत आहे. परंतु ६ महिन्या नंतर जेजेपी कोणत्या पक्षाचे समर्थन करेल यावर हरियाणात सत्तेचं गणित जुळेल.

May 9, 2024
कोल्हापूरमध्ये मर्द लोकांची कमी नाही.. टेस्ट ट्यूब बेबी कशाला? नितीन गडकरींचं वक्तव्य…

कोल्हापूरमध्ये मर्द लोकांची कमी नाही.. टेस्ट ट्यूब बेबी कशाला?

नितीन गडकरींचं वक्तव्य..

लोकसभा निवडणुकीच्या पर्श्वभूमीवर कोल्हापूरमधे (४ मे) एका सभेत IVF सेंटरवर बोलताना नितीन गडकरींनी “तुमच्या कोल्हापूरमध्ये मर्द लोकांची कमी नाही. टेस्ट ट्यूब बेबी प्लांट कशाला पाहिजे!” असे वक्तव्य केले आहे. या वरुन ते विरोधकांच्या घेरावात सापडले आहेत.

लग्नानंतर मुल होत नसेल, तर टेस्टट्यूब बेबी तंत्रज्ञानाच्या आधारे मुल जन्माला घालून, त्याचे नैसर्गीकरित्या पोषण केले जाते. परंतु नितीन गडकरींनी लोकांच्या वैयक्तीक विषयाला राजकीय रुप देवुन लोकांच्या भावना दुखावल्या आहेत.

टेस्ट ट्यूब बेबी म्हणजे काय?
टेस्टट्यूब – बेबी म्हणजेच आय.व्ही.एफ. तंत्रज्ञान आहे. हे एक ऍडवान्सड फर्टिलिटी तंत्रज्ञान आहे. टेस्ट ट्यूब बेबी प्रक्रिया समजून घेण्यापूर्वी नैसर्गिक गर्भधारणा कशी होते हे समजून घेणे महत्त्वाचे आहे. नैसर्गिक गर्भधारण प्रक्रियेमध्ये ओव्हरीज मधून एग्ज रिलीज होतात आणि फेलोपियन ट्यूबकडे पाठविले जातात. येथे स्त्रीबीज आणि शुक्राणू यांचे फर्टिलायझेशन होते आणि गर्भधारणा होते. जेव्हा नैसर्गिकरित्या गर्भधारणा होऊ शकत नाही. तेव्हा टेस्ट ट्यूब बेबी प्रक्रियेचा वापर केला जातो.

या प्रक्रियेमध्ये स्त्रीबीज आणि शुक्राणू योग्य वेळी कलेक्ट केले जातात, आणि ऍडवान्सड लॅब मधील इन्क्युबेटर्स मध्ये फर्टीलाइज केले जातात. यावेळी तयार केलेला भ्रूण/एम्ब्रियो स्त्री च्या गर्भाशयात ट्रान्स्फर केला जातो. या प्रक्रियेत बाळाचा पुढील विकास आणि वाढ अगदी नैसर्गिक रीतीने होते. या संपूर्ण प्रक्रियेतून जन्मलेल्या बाळाला टेस्ट ट्यूब बेबी म्हणतात.

टेस्ट ट्यूब बेबी ऍडवान्सड फर्टिलिटी तंत्रज्ञान आणि या तंत्रज्ञानाच्या आधारे अनेक बाळांना जन्म देण्यात आले आहे. आणि त्यात गैर काही नाहि. परंतु नितीन गडकरींनी मतदारांना आपल्याकडे खेचण्यासाठी मर्दानगी वर बोट करत मुलं होत नाही. अशा लोकांचा अपमान केला आहे. असे विरोधकांचे मत आहे.

टेस्ट ट्यूब बेबी प्लांटची मागणी केल्या नंतर लोकांच्या मर्दांगी वर बोलत लोकांचे लक्ष विचलीत करुन टेस्ट ट्यूब बेबी प्लांटच्या मागणीकडे नितीन गडकरी यांनी दुर्लक्ष केल्याचे दिसून येते.

May 8, 2024
महायुतीचा महाराष्ट्रात सत्तेसाठी संघर्ष!

महायुतीचा महाराष्ट्रात सत्तेसाठी संघर्ष!

उत्तरप्रदेश नंतर महाराष्ट्रातुन लोकसभेत सर्वात जास्त उमेदवार पाठवले जातात. त्यामुळे लोकसभेत बहुमत पाहिजे असेल तर महाराष्ट्रातुन जास्तित जास्त जागा मिळवणे आवश्यक आहे. या लेखातून ४०० पार ची घोषणा देणार्या भाजपची महाराष्ट्रात काय परिस्थिती आहे हे समजुन घेवुयात.

महाराष्ट्राच्या राजकारणात अनेक राजकीय घडामोडी घडल्या. त्याचा परिणाम लोकसभा निवडणुकीवर होताना दिसत आहे. पहिल्या दोन टप्यातले मतदान झाले आहेत. त्यात महाराष्ट्रातील विदर्भ आणि मराठवाड्यातल्या तिन जिल्हांचा समावेश होता. या दोन टप्यात मतदारांचा कल महाविकास आघाडीकडे असल्याचा अंदाज आहे.

त्यामुळे महायुतीच्या समोर मोठे आव्हान उभे राहिले आहे. परिणामी पंतप्रधान नरेंद्र मोदी महाराष्ट्रात जास्तित जास्त प्रचार सभा घेताना दिसत आहेत. शिवसेना पक्षाचे विभाजन होवून शिंदे गट आणि ठाकरे गट निर्माण झाले. शिवसेना पक्षाचे नाव आणि चिन्ह एकनाथ शिंदे यांच्याकडे गेले असले तरी शिवसेनेची ओळख ठाकरे कुटुंबच आहे. त्यामुळे उध्दव ठाकरे यांना लोकांचे भावनीक समर्थन मिळत आहे. आणि त्या जोरावर उध्दव ठाकरे यांची मशाल (ठाकरे गट) एकनाथ शिंदे यांना भारी पडत आहे.

त्यामुळेच पहिल्या दोन टप्यात शिंदे यांच्या शिवसेनेचा प्रभाव जास्त दिसला नाही. त्याच बरोबर राष्ट्रवादी पक्षामध्ये सुद्धा फुट पडुन अजित पवार गट आणि शरद पवार गट असे दोन गट निर्माण झाले आहेत. शरद पवारांची महाराष्ट्रात असलेली राजकीय प्रतिष्ठा आणि त्यांच्या राजकीय अनुभवाच्या जोरावर त्यांनी महाष्ट्रात महायुतीला अडचणीत आणलय. उमेदवारी देताना राजकीय खेळी खेळत एकमताने महायुतीला जागा मिळेल, असे वाटत होते, त्या मतदार संघात पण राजकीय संघर्ष पेठलेला दिसतोय.

बीड मतदारसंघ भाजपाचा गड राहिला आहे. सलग ३ वेळा या मतदारसंघात भाजपाची सत्ता होती. परंतु या वेळेस या मतदारसंघात भाजपाला संघर्ष करावा लागत आहे. मराठा आरक्षणामुळे या मतदारसंघात जनतेची भाजपावर नाराजी असल्याचं दिसुन येत आहे.

त्याचबरोबर अहमदनगर मध्ये सुद्धा विखे पाटिल विरुध्द निलेश लंके हि लढत चांगलीच रंगली आहे. विखे पाटिल विद्यमान खासदार आहेत. त्यांच्या विरोधात पवारांनी निलेश लंकेंना उमेदवारी देवुन विखे पाटलांची कोंडी केली आहे.

एवढेच नाही तर बारामतीत सुप्रिया सुळे आणि सुनेत्रा पवार यांच्यात लढत रंगली आहे. एका बाजुला शरद पवारांची मुलगी आहे तर दुसर्या बाजुला सून लोकसभेच्या मैदानात उतरल्या आहेत.

या वेळेस लोकसभा निवडणुकीत कोणाची हवा किंवा लाट दिसत नाहि आहे. हि निवडणुक पुर्णपणे स्थानिक मुद्यावर होत आहे. विविध मतदारसंघाच्या अभ्यासाच्या आधारे असे लक्षात येते की, या वेळेस महाराष्ट्रात भाजपाला २० ते २४ जागावरच समाधान मानावे लागणार आहे.

महाराष्ट्रातुन भाजपाचा प्रभाव कमी होताना दिसत आहे. याचे मुख्य कारण म्हणजे पक्ष फुटी आहे. पक्ष फुटी मुळे शरद पवार गट आणि उध्दव ठकरे गट यांना लोकांचे भावनिक समर्थन मिळत आहे. याचा परिणाम विधान सभेवर सुद्धा दिसून येण्याची शक्यता आहे.

May 8, 2024
कोल्हापुरात कोण बाजी मारेल ?

महाराष्ट्रातील अमरावती आणि बारामती लोकसभेच्या जागांप्रमाणेच यावेळी कोल्हापूरच्या जागेवरही चुरशीची लढत आहे. काँग्रेस पक्षाने शिवाजी महाराजांचे १२वे वंशज शाहू महाराज यांना उमेदवारी दिली आहे. महाविकास आघाडीचे ते संयुक्त उमेदवार आहेत, तर दुसरीकडे गेल्या वेळी विजयी झालेले संजय मंडलिक यांची महायुतीने पुनरावृत्ती केली आहे.

मुख्यमंत्री एकनाथ शिंदेंच्या नेतृत्वाखालील शिवसेनेचे संजय मंडलिक हे उमेदवार आहेत. मंडलिक शिवाजी महाराजांचे 12वे वंशज शाहू महाराजांना पराभूत करू शकतील का? याकडे सर्वांचे लक्ष लागले आहे. मार्च महिन्यात शाहू महाराजांची उमेदवारी जाहीर झाली. तेव्हा ते म्हणाले होते की,

“देशाला हुकूमशाहीपासून वाचवण्यासाठी मी निवडणूक लढवत आहे.”

त्यांचे हे वक्तव्य भाजपच्या नेतृत्वाखालील असलेल्या केंद्र सरकारवर हल्ला असल्याचे मानले जात होते. महाराष्ट्रातील राजकीय अस्थिरतेचा त्यांनी समाचार घेतला आणि म्हटले की,

“आम्हाला हि राजकीय अस्थिरता कायम ठेवायची नाही”.

कोल्हापुरात प्रचारादरम्यान छत्रपती शिवाजी महाराजांच्या पुतळ्याला नमन करताना शाहू महाराजांनी भाजपवर हल्लाबोल केला. शाहू महाराजांनी पक्षांतरविरोधी कायदा मजबूत करण्याचे श्रेय माजी पंतप्रधान अटलबिहारी वाजपेयी यांना दिले होते. राजीव गांधी यांनी आपल्या पंतप्रधानपदाच्या कार्यकाळात ते आणले होते, असे ते म्हणाले होते.

विशेष म्हणजे छत्रपती शिवाजी महाराजांचे 12वे वंशज हे 1999 नंतर कोल्हापूर लोकसभा जागेसाठी काँग्रेसचे पहिले उमेदवार आहेत. त्यांची थेट लढत मुख्यमंत्री एकनाथ शिंदे यांच्या नेतृत्वाखालील शिवसेनेचे विद्यमान खासदार संजय मंडलिक यांच्याशी आहे. मंडलिक हे कोल्हापुरातील शाहू महाराजांना थेट लक्ष्य करत नसून, ते कामाच्या नावावर मते मागत आहेत.

“आपला लढा छत्रपती शाहू महाराजांविरुद्ध नसून कोल्हापूरच्या जनतेच्या स्वाभिमानासाठी आहे”,

असे नुकतेच ते म्हणाले होते.

“मी भावनेच्या जोरावर मत मागत नाही, तर माझ्या मतदारसंघात केलेल्या कामाच्या जोरावर मत मागत असल्याचे” ते म्हणाले होते.

तेव्हा ते म्हणाले होते की, “राजा राजर्षी शाहू हे केवळ त्यांच्या घराण्याशी संबंधित राहून महाराजांचे खरे वारस होत नाहीत. हे निश्चितच एक व्यंग म्हणून पाहिले गेले. शरद पवार त्यांचा व्यंग म्हणुन वापर करत आहेत. शाहू छत्रपतींचा विजय निश्चित करण्यासाठी काँग्रेस कार्यकर्ते त्यांचे पणजोबा, कोल्हापूरचे माजी राजर्षी शाहू महाराज यांचा वारसा पुढे रेटत आहेत. बाबासाहेब आंबेडकरांनी ज्यांचे वर्णन सामाजिक न्याय चळवळीचे मशाल वाहक असे केले होते.”

दुसरीकडे शिवसेनेचे मंडलिक हे त्यांचे वडील आणि कोल्हापूरचे चार वेळा खासदार सदाशिवराव मंडलिक यांचा वारसा दुसऱ्या लोकसभेसाठी दाखवत आहेत. त्यांच्या एका भाषणात मंडलिक यांनी एक पाऊल पुढे टाकले आणि त्यांचे वडील शाहू महाराजांचे वैचारिक उत्तराधिकारी असल्याचा दावा केला.

महाविकास आघाडीच्या मित्रपक्षांमध्ये जागावाटपाची चर्चा सुरू झाली, तेव्हा काँग्रेसच्या कोल्हापूर विभागाचे प्रमुख सतेज पाटील म्हणाले की

“उमेदवाराची घोषणा आश्चर्यकारक असेल”.

राष्ट्रवादीच्या फुटीनंतर काढण्यात आलेल्या मेळाव्यात शाहू छत्रपतींनी शरद पवारांसोबत स्टेज शेअर केल्यावर लोकांना याची जाणीव झाली. छत्रपती शाहू महाराज हे निवडणुकीच्या रिंगणात उतरणारे कोल्हापूरच्या राजघराण्यातील पहिले सदस्य नाहीत. 1976 मध्ये राजर्षी शाहू महाराजांच्या सून विजयमाला यांनी शेतकरी आणि कामगार पक्षाच्या उमेदवार म्हणून हातकणंगले (तत्कालीन इचलकरंजी) लोकसभेची जागा लढवली आणि जिंकली.

त्यांनी काँग्रेसचे लेफ्टनंट जनरल (निवृत्त) एस. पी. पी थोरात यांचा पराभव केला. ज्यांची निवड दिवंगत मुख्यमंत्री यशवंतराव चव्हाण यांनी केली होती. 2004 मध्ये शाहू छत्रपतींच्या दोन मुलांपैकी एक मालोजीराजे छत्रपती यांनी काँग्रेसच्या तिकिटावर कोल्हापूर उत्तर विधानसभेची जागा जिंकली.

पाच वर्षांनंतर 2009 मध्ये शाहू छत्रपतींचे दुसरे पुत्र संभाजीराजे यांचा कोल्हापुरात सदाशिवराव मंडलिक यांच्याकडून पराभव झाला. आता मंडलिक यांचा मुलगा संभाजीराजे यांच्या वडिलांच्या विरोधात निवडणूक लढवत आहे.

May 8, 2024
बीड मध्ये कोण मारणार बाजी?

बीड मध्ये कोण मारणार बाजी?

बीड लोकसभा मतदारसंघात भाजपच्या उमेदवार पंकजा मुंडे यांच्या विरोधात राष्ट्रवादी काँग्रेस – शरदचंद्र पवार पक्षाचे उमेदवार बजरंग सोनवणे अशी लढत रंगली आहे.

बीड मतदारसंघावर २००९ पासून भाजपचे वर्चस्व आहे. गोपीनाराव मुंडे यांच्या निधनानंतर डॉ. प्रीतम मुंडे यांनी राजकारणात पदार्पण केलं आणि प्रचंड बहुमतानी त्या निवडुन आल्या. २०१९ मध्ये त्यांनी बजरंग सोनवणे यांना पराभूत केले.

या वेळेस प्रीतम मुंडे यांच्या जागेवर पंकजा मुंडे यांना उमेदवारी दिली आहे. परंतु दोनवेळा खासदार राहीलेल्या डॉ. प्रीतम मुंडे यांना उमेदवारी का टाळली? पंकजा मुंडेला उमेदवारी का मिळाली? याचे उत्तर देताना पंकजा मुंडेंची कोंडी होत आहे. याच बरोबर मागील १० वर्षात खासदार डॉ. प्रीतम मुंडे यांनी बीडचा हवा तसा विकास केलेला नाही. त्यामुळे मतदारांची भाजपावर नाराजी असल्याचे दिसून येत आहे.

परंतु महायुतीत परळीतून राष्ट्रवादीचे धनंजय मुंडे, केजमधून भाजपाच्या नमिता मुंदडा, माजलगावमधुन प्रकाश सोळंके, गेवराईतून भाजापचे लक्ष्मण पवार व आष्टीतून बाळासाहेब आजबे यांच्यासह विधान परिषदेचे सुरेश धस असे एका मंत्र्यांसह सहा आमदार पंकजा मुंडेंसाठी मैदानात आहेत.

ही पुर्ण सत्ता फौज जरी मैदानात असली तरी विधानसभेवेळी एकमेकांच्या विरोधात लढलेले आणि पुन्हा लढायचे असल्याने या नेत्यांत एकमत नाही. विधानसभेतील पराभवानंतर पंकजा मुंडेंचा जिल्ह्याशी कमी झालेला संपर्क, बंद पडलेला बैद्यनाथ कारखाना, या मुद्द्याचा फायदा विरोधीपक्षाला होताना दिसतोय.

बजरंग सोनवणे यांचा उमेदवारी अर्ज भरताना जयंत पाटील म्हणाले,

‘‘आमच्याकडे नेते जास्त नाहीत, पण जनता आमच्याकडे आहे. सलग पंधरा वर्षे भाजपची सत्ता असताना ते जिल्ह्याचा विकास करू शकले नाहीत. जिल्ह्यातील जनतेने दिलेल्या जबाबदाऱ्या भाजप पेलू शकला नाही.‘जीएसटी’ने शेतकरी, शेतमजूर आणि सामान्य जनता हैराण झाली आहे. आतापर्यंत देशात काँग्रेस आणि समविचारी पक्षांनी केलेल्या विकासाला शून्य ठरविण्याचे कटकारस्थान पंतप्रधान नरेंद्र मोदी करीत आहेत. भाजपच्या नेत्यांनी टीकाटिपणी करण्यापेक्षा विकासाच्या मुद्द्यावर बोलावे.” असे आव्हान त्यांनी दिले.

राष्ट्रवादी शरदचंद्र पवार पक्षाचे उमेदवार बजरंग सोनवणे यांच्या मागे केवळ या पक्षाचे जिल्हाध्यक्ष संदीप क्षीरसागर एकमेव आमदार आहेत. तसेच इतर माजी आमदारांचा पाठींबा बजरंग सोनवणे यांना मिळत आहे. २०१९ मध्ये पराभवाला सामोरे जावं लागल होत. या वेळेस निवडुन यायचे असेल, तर खुप कसरत करावी लागणार आहे.

एकवीस लाखांवर मतदार असलेल्या बीड जिल्ह्यात मराठा समाज सर्वाधिक आहे. त्यामुळे अंतरवाली सराटी येथील आंदोलनाचे सर्वाधिक पडसाद जिल्ह्यात उमटले आहेत. आंदोलनाचे २०० पेक्षा जास्त गुन्हे नोंद झाल्याने सकल मराठा समाज नाराज आहे.

याचा फायदा नक्कीच बजरंग सोनवणे यांना होणार आहे. परंतु मराठा समाजातील काही दिग्गज नेत्यांचा पंकजा मुंडे यांना पाठींबा आहे. त्यामुळे बिडचे राजकारण कधी कसे पलटेल? हे सांगणे कठीण आहे.

पंकजा मुंडे आणि बजरंग सोनवणे या दोघांची लडत रंगली असताना ‘वंचित’ ने अशोक हिंगे यांना रिंगणात उतरवले आहे.

बीड जिल्ह्याच्या विकासाचा विचार केला, तर चिंताजनक परिस्थिती आहे. मागील २० वर्षात एकही औद्योगीक वसाहत स्थापन करण्यात आली नाही. उलट अनेक उद्योग बंद पडले आहेत आणि बंद पडत आहेत. नगर- बीड- परळी रेल्वेमार्गही पुर्ण झाले नाही, अनेक खेडे गावात रस्ते नाहीत, जिल्ह्यात झालेले महामार्ग अरुंद झाल्याने आपघाताचे प्रमाण वाढले आहेत.

आत्ता लोकभा निवडणुकीत हे आश्वासनासाठी कळीचे मुद्दे बनले आहेत. अशा परिस्थितीत बीड मध्ये २००९ पासुन सत्ता गाजवणारे कमळ सत्तेत येईल की राष्ट्रवादी शरदचंद्र पवार पक्षाची तुतारी सत्तेत यईल याकडे सर्वांचे लक्ष लागून आहे.

May 1, 2024
पंकजा मुंडेंची जातीच्या आधारे राजकीय खेळी!

पंकजा मुंडेंची जातीच्या आधारे राजकीय खेळी!

बीड लोकसभा निवडणुक अवघ्या काही दिवसांवर येवुन ठेपली आहे. आणि अशातच या लोकसभा निवडणुकीने वेगळेच वळण घेतले आहे. आधी प्रितम मुंडेंची उमेदवारी रद्द करुन पंकजा मुंडेंना उमेदवारी देण्यात आली, म्हणुन चर्चा होती. परंतु आत्ता या निवडणुकीत ओबीसी विरुध्द मराठा असे वातावरण निर्माण झाले आहे. त्यामुळे पुन्हा बीड लोकसभा निवडणुक चर्चेचा विषय बनली आहे.

मराठा समाज बजरंग सोनवणे यांना समर्थन देत आहे. परंतू पंकजा मुंडे सोबत रमेशराव आडसकर, प्रकाश सोळंके, नमिता मुंदडा असे मराठा नेते आहेत. परंतु हे नेते जरी असले तरी या मतदारसंघात मराठा समाजाची पंकजा मुंडे वरची नाराजी महायुती साठी चिंतेचा विषय बनत चालली आहे.

मराठा समाजातील मतदार पंकजा मुंडेंना प्रचारा दरम्यान काळे झेंडे दाखवून विरोध करताना दिसत आहे. अशातच पंकजा मुंडे अपला उमेदवारी अर्ज भरताना शक्ती प्रदर्शन करत,

“सर्वच समाज माझ्या उमेदवारीचे स्वागत करत आहे. बंजारा समाजानी पांमडी देवुन, धनगर समाजानी घोंगडी देवुन हातात काठी देवुन, मराठा समाजाने भगवा लावुन आणि पगडी बांधुन माझे स्वागत केले आहे.

परंतु त्यांनी पुढे बोलताना

“सगळ्या समाजाचे लोक आलेत ना इथे” असे विचारत “धनगर समाजाचे लोक आलेत ना त्यांनी येळकोट… येळकोट…. जय मल्हार बोला, बंजारा समाजाचे लोक आलेत ना त्यांनी जय सेवालाल बोला, माळी समाजाचे लोक आलेत त्यांनी जय ज्योती बोला”, अशा घोषणा देवुन शेवटी “मराठा समाजाचे लोक आलेत ना?” अस विचारत “छत्रपती का आमचे नाहित का?” असा प्रश्न करत, जय जिजाऊ जय शिवराय आशा घोषणा दिल्या आणि “तुम्ही माझ्या साठी मत मागा आणि माझ्या झोळीत टाका”

असे आव्हान पंकजा मुंडेंनी यांनी मतदारांना केले. त्यामुळे मराठा समाजाचे मत मिळवण्यासाठी पंकजा मुंडे जातीचा आधार घेत आहेत, अशी टिका विरोधक करत आहेत. त्यांच्या भाषणाने आणि घोषनेने मराठा समाजाची नाराजी दुर होइल का? आणि पंकजा मुंडे निवडुन यातील का? असा प्रश्न मतदारांना पडला आहे.

May 1, 2024
लोकसभा निवडणुकीचा दुसरा टप्पा आणि राजकीय परिस्थिती.

लोकसभा निवडणुकीचा दुसरा टप्पा आणि राजकीय परिस्थिती.

लोकसभा निवडणुक २०२४ चा दुसरा टप्पा नुकताच पार पडला. यामध्ये देशातील ८९ आणि महाराष्ट्रातील आठ मतदारसंघाचा समावेश होता. यात मराठवाड्यातील तीन आणि उर्वरीत ५ मतदारसंघ विदर्भातील होते. गेल्या १० ते १२ दिवसात येथे प्रचार खुप जोरात चालू होते. महाविकास आघाडीच्या आणि महायुतीच्या दिग्गज नेत्यांनी येथे जाहिर सभा घेतल्या आणि एकमेकावर जोरदार टिकाही केल्या. या मतदारसंघातील राजकीय वातावरण एकदम तापले होते. या आठ मतदारसंघामध्ये अमरावती, अकोला, बुलढाणा, वर्धा, यवतमाळ-वाशीम, हिंगोली, परभणी, नांदेड या मतदारसंघीचा समावेश आहे.

अमरावती लोकसभेसाठी भाजपाच्या नवनीत राना काँग्रसचे बळवंत वानखेडे आणि प्रहारचे दिनेश बुब यांना उमेदवारी जाहीर झाली होती. यांच्यात तिरंगी निवडणुक पार पडली. सोबतच रिपब्लिकन सेनेचे आनंदराज आंबेडकर सुध्दा मैदानात होते. त्यामुळे या मतदारसंघात मोठ्या प्रमाणात मत विभागणी झाली असल्याचे दिसुन येते. येथील दलीत आणि मुस्लीम मतदारांचे मत निर्णायक ठरणार आहेत.

नवनित राणाला हनुमाण चालीसावर घेतलेली भुमीका बादक ठरणार की त्यांच्या फायद्याचे ठरणार हे पाहावे लागेल. बच्चु कडु महायुतीचा भाग आहेत परंतू त्यांनी दिनेश बुब यांना मैदानात उतरवले आहे त्यामुळे ही निवडणुक आव्हानात्मक झाली. मुख्यता नवनित राणांना याचा फटका बसनार आहे. येथुन काँग्रसचे बळवंत वानखेडे उमेदवार असले तरी यशोमती ठकुर यांचा वानखेडेंना पाठींबा आहे आणि त्याच्या राजकीय ताकदीचा वानखेडेंना फायदा होईल असा अंदाज आहे.

बुलढाणा मतदारसंघातुन शिवसेना ठाकरे गट आणि शिवसेना शिंदे गट अशी मुख्य लडत झाली आहे. शिंदे गटाकडुन प्रतापराव जाधव आणि ठाकरे गटाकडुन नरेंद्र खेडेकर यांना उमेदवारी मिळाली आहे. हि लडत ठाकरे गटाच्या अस्थित्वाची आहे. या मतदारसंघात आदित्य ठाकरे आणि उदध्व ठाकरे यांनी सभा घेऊन मतदारांचा कल आपल्याकडे वळवला आहे. याच बरोबर येथे अपक्ष म्हणुन स्वाभीमानी शेतकरी संघटनेचे नेते रविकांत तुपकर आणि वंचीत बहुजन आघाडी कडुन वसंत मगर यांची भुमीका सुध्दा महत्वपुर्ण असणार आहे.

यवतमाळ-वाशीम मतदारसंघातुन सुद्धा शिनसेना ठकरे गट आणि शिवसेना शिंदे गट आशी मुख्य लडत होणार झाली आहे. शिवसेना शिंदे गटा कडुन राजश्री पाटील आणि शिनसेना ठाकरे गटाचे संजय देशमुख यांच्यात थेट लडत झाली आहे. विधेमान खासदार भावना गवळी यांच्या जागी राजश्री पाटील यांना उमेदवारी दिली त्यामुळे मतदार नारज होते याचा फटका शिंदे गटाला बसेल असा अंदाज लावला जातोय.

वर्धा लोकसभा मतदारसंघात भाजपाचे रामदास तडस विरुध राष्ट्रवादी शरदचंद्र पवार गटाचे अमर काळे यांच्यात लडत झाली आहे. तडस येथुन दोनवेळा खासदार राहिले आहेत. हा मतदारसंघ परंपरागत काँग्रसचा होता परंतू या वेळेस शरदचंद्र पवार गटाला इथे उमेदवारी देण्यात आली आहे. पुजा तडस यांनी केलेल्या अत्याचाराच्या अरोपामुळे रामदास तडस या स्पर्धेत मागे पडु शकतात. परंतु पंतप्रधानांनी इथे सभा घेतल्यांनी निकाल कोणाच्या बाजुने लागल हे सांगने कठीन आहे.

अकोला मतदारसंघातुन भाजपाचे अनुप धोतरे, वंचीतचे प्रकाश आंबेडकर आणि काँग्रेसचे अभय पाटील अशी तिरंगी निवडणुक झाली. इथे सद्या भाजपाचे संजय धोतरे खासदार असुन गेल्या चार टर्म पासुन ते सलग निवडुन येत आहेत. त्यांची प्रकृती खराब असल्यामुळे भाजपानी त्यांच्या जागी त्यांच्या मुलाला उमेदवारी दिली आहे. तर प्रकाश आंबेडकर काँग्रेसला पाठिंबा देनार होते परंतु काँग्रेसनी त्यांच्या विरोधात उमेदवार दिला आहे याचा परिनाम दोघांच्याही मतदारावर होणार आहे परंतु एमआयएम प्रकाश आंबेडकरांच्या मदतीला आले आहे.

नांदेड मतदारसंघामध्ये भाजपाचे विधेमान खासदार प्रतापराव पाटील चिकलीकर आणि काँग्रेसचे वसंत चव्हान यांच्यात थेट निवडणुक होणार आहे. गेल्या अनेक वर्षापासुन या मतदारसंघावर काँग्रेसचे वर्चस्व होते परंतु हे मतदारसंघ काँग्रेसच्या हातातून निसटले आहे, कारण काँग्रेसचे दिग्गज नेते अशोक चव्हान भाजपात गेल्या मुळे काँग्रेसला फटका बसनार आहे आणि वंचीतचा पगडा पण इथे जड दिसत नाही.

परभणी मध्ये ठाकरे गटाचे बंडु जाधव आणि विरुध रासपचे माहादेव जानकर अशी दुरंगी लडत झाली आहे. बंडु जाधव हे खासदारकीची हॅट्रिक मारण्यासाठी मैदानात उतरले होते. तर माहादेव जानकर हे अजित पवार यांच्या कोठ्यातून उमेदवारी मिळवत मैदानात उतरले होते. परंतु ते मुळचे सातारा जिल्ह्यातले असल्याने जनतेचा कल विरोधी पक्षाकडे असल्याचा अंदाज येतो.

हिंगोलीत ठाकरे गटाचे नागेश आष्ठीकर आणि शिंदे गटाचे बाबुराव कदम कोळीकर अशी लडत झाली. विधेमान खासदार हेमंत पाटिल यांची उमेदवारी रद्द करुन शिंदे यांनी बाबुराव कदम यांना मैदानात उतरवले त्याचा फटका शिंदे गटाला बसु शकतो आणि ठाकरे गट इथे बाजी मारु शकतो.

Follow Us On Instagram

April 29, 2024
राष्ट्रवादी काँग्रेस शरदचंद्र पवार पक्षाचा शेतकरी कल्याणाला प्राधान्य देणारा शपथनामा..
राष्ट्रवादी काँग्रेस शरदचंद्र पवार पक्षाचा शेतकरी कल्याणाला प्राधान्य देणारा शपथनामा…

लोकसभा निवडणुकीचा प्रचार जोरात चालू असताना राष्ट्रवादी काँग्रेस शरदचंद्र पवार पक्षाने आपला जाहीरनामा प्रसिध्द केला आहे. या जाहीरनाम्यात राष्ट्रवादी काँग्रेस शरदचंद्र पवार पक्षाने शेतकरी हिताच्या घोषणा केल्या आहेत, घरगुती गॅस ५०० रुपयांपर्यंत सर्वसामान्यांच्या आवाक्‍यात आणण्यासाठी विशेष अनुदान आणि जातिनिहाय जनगणना करण्यावर भर देणार असल्याचेही यात नमूद केले आहे. याबरोबर देशासह राज्यातील महिला, विद्यार्थी, आदिवासी, तरुण, पर्यावरण अशा विविध घटकांना रोजगार, सुरक्षितता आणि हक्क देण्यासाठी संबंधित प्रश्‍नांना या जाहीरनाम्यात स्थान देण्यात आले आहे.

राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांच्या हस्ते पक्षाचा शपथनामा (जाहीरनामा) गुरुवारी प्रकाशित करण्यात आला. या वेळी प्रदेशाध्यक्ष जयंत पाटील, माजी खासदार वंदना चव्हाण, प्रदेशाध्यक्षा रोहिणी खडसे, युवक आघाडीचे मेहबूब शेख या वेळी उपस्थित होते. या जाहीरनामा ‘शपथनामा’ असे संबोधन्यात आले आहे.

राष्ट्रवादी काँग्रेस शरदचंद्र पवार पक्षाच्या शपथनाम्याती महत्वपुर्ण घोषणा…
1. शेतकऱ्यांसाठी आधारभूत व्यवस्था निर्माण करणार.
2. दर पाच वर्षांनी जातिनिहाय जनगणना करणार.
3. एससी, एसटी आणि ओबीसी आरक्षणावरील ५० टक्के मर्यादा वाढविण्यासाठी घटनेत दुरुस्तीची मागणी.
4. आरोग्य, शिक्षण, सशस्त्र दल अशा विभागांतील ३० लाख रिक्त जागा भरणार.
5. कांदा दरात स्थिरता आणण्यासाठी आयात-निर्यात धोरण आखणार.
6. स्वतंत्र ‘जीएसटी’ परिषद स्थापना.
7. स्वयंपाक घरातील गॅसच्या किंमती आम्ही कमी करत त्या 500 रुपयांपर्यंत निश्चित करू. त्यासाठी आवशक्यता लागल्यास केंद्र सरकारकडून त्याला सबसीडी देईल.
8. शासकीय नोकरीत महिलांना 50 टक्के आरक्षण ठेवण्याचा आग्रह करू.
9. अग्निवीर योजना आम्ही बंद करू.
10. प्रत्येक गरीब महिलेला वार्षिक 1 लाख देऊ.
11. शेती आणि शैक्षणिक वस्तूंवर शून्य टक्के जीएसटी असणार.
अजित पवारांनी बहुतांश आमदारांना सोडून भगव्या पक्षाशी (भाजपा) हातमिळवणी केल्यानंतर राष्ट्रवादी काँग्रेसमध्ये फूट पडली. काका शरद पवार यांना मोठा धक्का बसला, अजित पवार यांनी अनेक आमदारांच्या पाठिंब्याने एकनाथ शिंदे यांच्या नेतृत्वाखालील सरकारमध्ये महाराष्ट्राचे उपमुख्यमंत्री म्हणून शपथ घेतली आणि त्यामुळे पक्षात फूट पडली. त्यामुळे लेकसभा निवडणुकीत राष्ट्रवादी काँग्रेस शरदचंद्र पवार पक्ष किती जागा जिंकलं या कडे जनतेचे लक्ष आहे.
April 27, 2024