नागपूर महानगरपालिकेचा प्रभाग १६ हा शहरातील अत्यंत विकसित आणि सुशिक्षित मतदारांचा प्रभाग म्हणून ओळखला जातो. २०१७ च्या निवडणुकीत भाजपने येथे ‘क्लीन स्वीप’ दिला होता, मात्र यावेळी भाजपचा हा बालेकिल्ला राखण्यासाठी आणि काँग्रेसला सक्षम उमेदवार देण्यासाठी मोठी कसरत करावी लागणार आहे.
१. ‘राजकीय वझीर’चा चष्मा:
संदीप जोशींचा उत्तराधिकारी कोण? या प्रभागाचे प्रतिनिधित्व नागपूरचे माजी महापौर आणि माजी आमदार संदीप जोशी यांनी केले होते. त्यांच्यासारखाच जनसामान्यांशी संपर्क असलेला आणि प्रशासकीय पकड असलेला चेहरा शोधण्याचे आव्हान भाजपसमोर आहे. संदीप जोशी यांनी गेल्या ८ वर्षांत येथे अनेक लोककल्याणकारी योजना राबवल्या, ज्याचा फायदा भाजपला होऊ शकतो.
२. प्रभागातील प्रमुख वस्त्या आणि विस्तार:-
हा प्रभाग नागपुरातील मोठ्या प्रभागांपैकी एक असून, त्याचा विस्तार धंतोलीपासून ते जयप्रकाश नगरपर्यंत आहे.
प्रमुख वस्त्या: बजाज नगर, पूर्व लक्ष्मीनगर म.न.पा. लक्ष्मीनगर विभागीय कार्यालय, वसंतनगर, राहाटे कॉलनी, दीक्षाभूमी परिसर, माताकचेरी, रामदासपेठ गुरुद्वाराजवळील भाग, आय.सी.ए.आर. परिसर, सरस्वती नगर, तकिया, काँग्रेस नगर, अजनी रेल्वे स्टेशन, डॉक्टर कॉलनी वैनगंगानगर, मध्यवर्ती कारागृह परिसर, गौरक्षण, धंतोलीचा काही भाग, चुनाभट्टी, पूर्व समर्थ नगर, पश्चिम समर्थ नगर, हिंदुस्थान कॉलनी, प्रशांत नगर, गजानन नगर, जुनी अजनी वस्ती, छत्रपती नगर, पंचदीप नगर, मेहर कॉलनी, उज्ज्वल नगर, कर्वेनगर, सोमलवाडा वस्ती, राहुल नगर, मुळीक कॉम्प्लेक्स, नीरी वसाहत, सुरेन्द्र नगर, धनगर मोहल्ला, देवनगर, सावरकर नगर, विवेकानंदनगर, नरकुंडकर ले- आऊट, एल. आय. सी. कॉलनी, देवनगर झोपडपट्टी
मतदार: येथे सुमारे ७१,९८७ मतदार असून, सुशिक्षित आणि मध्यमवर्गीय मतदारांची संख्या मोठी आहे.
३. ग्राऊंड रिअॅलिटी:
चकचकीतपणाच्या मागे लपलेल्या समस्याउच्चभ्रू प्रभाग असूनही येथील नागरिकांना काही गंभीर समस्यांना सामोरे जावे लागत आहे:
वाहतुकीची कोंडी: मुख्य मार्गांवर हॉटेल्सची संख्या वाढल्याने आणि पार्किंगच्या नियोजित अभावामुळे वाहतुकीचा प्रश्न गंभीर झाला आहे. अजनी रेल्वे पुलावर नियमित कोंडी पाहायला मिळते.
अपार्टमेंट्सचे सिमेंट जंगल: प्रभागात मोठ्या प्रमाणात जुन्या इमारती पाडून नवीन अपार्टमेंट्स उभे राहत आहेत, ज्यामुळे ड्रेनेज आणि पाणीपुरवठ्यावर ताण येत आहे.
कचरा आणि दुर्गंधी: चुनाभट्टी आणि धंतोली परिसरात नियमित साफसफाई होत नसल्याने कचऱ्याचे ढीग साचलेले असतात.सुरक्षेचा प्रश्न: रात्री उशिरापर्यंत सुरू राहणारी दुकाने आणि हॉटेल्समुळे गुन्हेगारीच्या घटनांमध्ये वाढ झाल्याची तक्रार नागरिक करत आहेत.
४. इच्छुकांची यादी:-
भाजप: लखन येरवार, नीरज दोंतुलवार, शिवानी दाणी, वनिता दांडेकर, गजानन निशितकर, मुन्ना यादव, करण यादव
काँग्रेस: अरविंद गणवीर, भक्ती पन्नासे, अजय पन्नासे, रवी खडसे, अभिषेक धवड, किशोर मेंघरे, संजना देशमुख
५. २०१७ चा निकाल (माजी नगरसेवक):
लखन येरवार (भाजप)
वनिता दांडेकर (भाजप)
तारा यादव (भाजप)
संदीप जोशी (भाजप)
राजकीय वझीरचा स्ट्रॅटेजिक व्ह्यू:
प्रभाग १६ मध्ये केवळ ‘पक्षाचे चिन्ह’ चालणार नाही. येथील मतदार हा सुशिक्षित असल्याने तो उमेदवाराचे शिक्षण, पार्श्वभूमी आणि कामाचा अनुभव पाहून मतदान करतो. भाजपने जर नवीन चेहरा दिला, तर त्याला संदीप जोशींचा वारसा पुढे नेणारा ठसा उमटवावा लागेल. तर दुसरीकडे, काँग्रेसला जर येथे विजय मिळवायचा असेल, तर त्यांना बूथ स्तरावर आपले संघटन अधिक बळकट करावे लागेल.
निष्कर्ष:
‘व्हाईट कॉलर’ मतदारांच्या या प्रभागात जो उमेदवार ‘पार्किंग आणि सुरक्षितता’ या विषयांवर स्पष्ट भूमिका घेईल, त्याचे पारडे जड राहील.